Kurwa nkhondo ya Chipurikano

40 • Kurwa nkhondo yiweme ya Chipurikano

kuba wakujikhizga na wakuwonga, wakajikuzga na kunonofya mtima. Wakamba kuyowoya na babwezi bake wakati, “Pakuti Chiuta wakutitemwa ise na kutiponoska na uchizi wake, tikwenera kupwerera chara na umo tikukharira. Kanthu kari kose ako tingachita, watigowokerenge, na kutipokerera, kuti ntchifukwa cha umo tiliri panji ivyo tikuchita chara kwene chifukwa cha ivyo Yesu wari kuchita” Kasi mukhristu mupya uyu wakutimbanizga mphani na umo tikwenera kukharira, sono pakuti tiri kuponoskeka na Yesu Khristu? Kasi unenesko wa umo tikwenera kukharira ngwakuti wuri? Chinthu chimoza icho mukhristu wariyose wakwenera kumanya ntchakuti, apo bari pa ulendo wa Chikhristu, bariso munkhondo ya Fumu yakurimbana na Satana. Kuyowoya unenesko wose, parije cha munthondwe icho chiri kuchitika chakuchewuzga banthu apo tikazgoka. Vinthu vyose vikuwoneka ngati ndi umo vikabira. Unenesko ngwakuti, vinthu viri kusintha. Tiri kuwomboreka kukwananga na ku ufumu wakumudima, tagowokereka za kwananga zithu, ndipo tanjizgika mu mbumba ya Chiuta na munkhondo ya Fumu. Tiri banthu bapsya mwa Yesu Khristu; vyakare vyajumpha ndipo ehena, vyasono viza (2 Bakorinte 5.17). Mukwenera kudumura sono kuti mutore umoyo wakurwa, wakugomezga Mzimu Mtuba kumupani nkhongono, zakurombera kwa Chiuta dazi na dazi apo mukwenda na Yesu na kwima nganganga munyengo za nkhondo, mumtima, na kumzimu winu. Chiuta wari kupangana kutipa kutonda (1 Bakorinte. 15.57), chifukwa ndimukuru mwene uyo wari mwa ise kuruska uyo wari mucharu (1 Yohane 4.4). Imwe sono muli bake ba Yesu ndipo mukwenera kutorera vyamucharu sono chara, ivyo ndi vya umoyo winu wakare, utesi, na mawupusikizgi. Imwe muri bapsya mwa Yesu Khristu, ndipo mukwenera kwamba kukhara umoyo na kughanaghana nga ndi munthu mupsya. Mukwenera kujizizipizgira; kusintha kukutora nyengo; chifukwa kumusambira Chiuta ntchithu chakukhumbikwa nyengo Zose. Kuzgoka na kuba munthu wakumukondweska Chiuta ntchinthu icho chikuchitika pachoko-pachoko, ipo mujipe nyengo apo mukujizizipizgira. Pemphani kwa Chiuta kuti wamovwireni kuti mukhare umoyo wupsya, wupsya wene wuwo Chiuta wabika mwa imwe, kumufwaturani kuwupusikizgi wa Satana, kupika wupsya na Mzimu Mtuba mwene uyo sono wari mwa ise, kusinthika mukaghanaghaniro kithu, na kuba banangwa mwakuti tikhare umoyo wachanduro kwa Chiuta. Tawezgekera mwa iyo, mumbumba yake ndipo sono tiri na Fumu yipsya iyo yikutirongozga (BaEfeso. 4.20-24). Chiuta wamurembani kuba bankhondo bake na kumwenerezgani kuba bakwenerera pakwenda urendo winu. Ntheura wakutemweka musambiri wa Yesu, uli wakupokelereka mu mbumba ya Chiuta, kweniso muwupu wabasirikari ba Yesu, kweniso muri bakupokelereka ku nkhondo yakurwa na Satana!

kubanya