Kurwa nkhondo ya Chipurikano

Chiambizgo cha Chibiri Kujipereka kwithu • 41

Usange muchari mundabapatizike, dumbiskanani na basambizi binu, mubwezi muchikhristu, panji muliska winu za khumbiro linu lakuti mubapatizike ndipo wamurongozgani na umo mungabapatizikira, ndipo murondezge vyose mwakuti mubapatizike. Khristu Yesu wari kurangura kuti wari yose uyo wakupurikana nayo wakwenera kubapatizika. Ichi ntchimanyikwiro chakuti munthu wazgokako kuvyacharu ndipo wakujipereka mwakufikapo kwa Yesu Khristu uyo sono ndi Fumu ya umoyo wake (Mariko. 16.14-16; Mateyo. 28.18-20). Kuziwurika nesi kuzizima chara; Ubapatizo ntchirongorero chakuwaro cha uchizi wa Chiuta wene uwo wachitika mukati mwa munthu kwizira mumlimo uwo Yesu wari kuchita pa mphinjika. Mukwenera kumupurikira, na kubapatizika lubiro! Mwachipurikano ndazomera chigowokero cha Chiuta mwa uchizi, pakundipanga ine kuba mwana wa Chiuta wambura karema pamaso pake, kundithaska kufuma kuchisi na kundinjizga mu Ufumu wa mwana wake Yesu Khristu. The Te Deum Laudamus ndi lurombo lweneluro baKhristu banandi bakhara bakuromba kufumira vikwi-vikwi vyajumphapo. Banji bakuti wakata lurombo uru ndi Bishop Nicetas wa ku Dacia, c. 335-414, kwene bakare chomene bakuti wakata lurombo uru ndi Ambrose apo wakabapatizanga Augustine. Imwe ndimwe Chiuta (Te Deum Laudamus) Ndimwe Chiuta: tikumurumbani; Ndimwe Fumu; tikukwezga zina linu; Imwe muri Dada wamuyirayira: Chirengiwa chose chikumurambirani. Kwa imwe bangero wose, nkhongono zose kuchanya na pasi, baSerafi na maKerubi, bakwimba sumu zakumukwezgani kwambura kurekezga: bakuti Mtuba, Mtuba, Mtuba, ndi Fumu ya nkhongono zose, Kuchanya na pasi viri kuzura na uchandami winu. Wumba wose wabapostore ukumurumbani imwe. Wene na wene wa baprofeti bakumurumbani imwe. Batuba wose awo barikufwira mwa imwe ndipo bari kuvwarikika minjirira yituba bakukwezga zina linu. Mucharu chose chapasi Ekleziya lituba likukwezga na kuthuwuska zina linu; Badada, imwe ufumunkhuru winu ukuzura, na Mwana winu uyo wakwenerera kumusopa, na Mzimu Mtuba, mwene uyo wakutibeyerera na kutirongozga.

Kukhozgera

Lurombo