Kurwa nkhondo ya Chipurikano

C hisambizgo cha chitatu K unjiramo kwithu Kubatikizgana umoyo withu na wa Chiuta mwa Yesu Khristu

Kwakuyana na unenesko wose wene wuwo tiri nawo, mukwenera kujiwonaso ngati mbarendo panji bakuwaro kwa Ufumu wa Chiuta chara. Kweni mukwenera kujiwona kuti imwe ndimwe bamoza ba banthu awo mbahariri ba Ufumu wa Chiuta awo mbatuba mtima – muri bamukati mwa mbumba ya Chiuta! Muri kuzengeka palufura uro Chiuta warikujintha kwizira mu Bapositore bake na maprofeti ghake, apo Yesu ndiyo libwe lapachinkhodya. Mwa iyo Mpingo wose wuri kuzengekapo, munthu wari yose pakuba wakuzengeka mwakubatikana na banyake kupanga thupi limoza ilo ndi tempire la Chiuta. Mwa Yesu mpingo wose ukuzengeka kuba maro gha Chiuta umo wakukhara, ndipo vyose ivi mwankhongono ya Mzimu Mtuba. Pakumara kwa Chisambizgo ichi, mukwenera kukoreska fundo za muchisambizgo cha Kunjiramo kwithu pakupurikiska kuti: • Mwachipurikano tiri kubatikana na Yesu (kung’anamura kuti, pasono tiri mwa Yesu), tikupokera ndipo tikwenda mu ivyo iyo wakupereka na kuchita. • Kugomezga kuti kwizira mu wutebeti wa Mzimu Mtuba, tiri bamumbumba ya Chiuta, iyo Yesu ndiyo libwe la pachinkhodya apo mawe ghose ghakutorekapo, ndipo lufura lwake mbapositore ba Yesu Khristu na baprofeti ba Chiuta. • Kupurikana kuti mpingo wuri wose ndi mwimiliri wa Ufumu wa Chiuta, kuyimira makhumbiro na urato wa Ufumu wa Chiuta apo bakupurikana wose bakumanya kuti ndizinkharamba za Ufumu wa Chiuta. Chiuta wamuyirayira, baDada Chiuta, mu Mazgu ghinu mukuyoya kuti, imwe mujando la umanyi wose na vinjeru. Nkhuzomera kuti uwu mbunenesko, ndipo nkhumupemphani kuti mubikemo mwa ine umanyi, vinjeru, mwakuti ndimanye kusambira Mazgu ghinu (2 Timote 2.15). Chonde mundirongozge na kundisambizga kwenda munthowa iyo ndendengemo (Masalimo 32.8). Khutu lane litegherezge mwakuti nditegherezge ku Mazghu ghinu pera ndipo mundinozge mukaghanaghaniro kane na mukayowoyero kane, ndipo mundiwezge apo ndapuruka. ~ Kalata wa Paulosi kwa BaEfeso (BaEfeso. 2.19-22) mukatanthauriro ka wakuremba Buku iri.

Ulato

Lurombo lwa kupempha vinjeru

45