Kurwa nkhondo ya Chipurikano

46 • Kurwa nkhondo yiweme ya Chipurikano

Badada, mundipe chawanangwa chakamanyiro, mwakuti ndimanye kupambaniska visambizgo viweme na viheni. Mundirongore khumbiro linu kwizira mwa Mzimu Mtuba, nakundipa njubi yamoyo mwakuti ndimanye kuchita khumbiro linu na mtima wane wose. Ba Dada Chiuta, Chonde mundizgore kuba wakupurika lubiro, nakuba muzito kuyowoya, wambura kukwiya lubiro (Yakobe 1.19). Mphanyi maghanoghano, maranguruko na mazgu gha kufuma pa mlomo wane vibe vyakupokerereka kwa imwe. Mundovwire kuti ndiyowoyenge unenesko winu pera mwakuti wose awo nkhuyowoya nawo basange chanduro kufumira mu unenesko winu. Nkhuromba vyose vi mu zina lakuzirwa la Fumu yithu Yesu Khristu. 1. “Kasi ntchifukwa wuri pari mphambano pa kabiro kane ako nkhukamanya na ivyo Baibulo likuyowoya kwakuyana na umo Chiuta wakundiwonera?” Bakhristu banandi awo bazgoka sono bakusangana na mphambano yikuru chomene pakati pa icho Mazgu gha Chiuta ghakuyowoya na ivyo iwo bari kwakuyana na kabiro kawo pamaso pa Chiuta (mwachiyerezgero, kuti iwo mbakugowokereka, bakuwezgereka kwa Chiuta, kuti mbakunjizgika mu mbumba ya Chiuta, kuti mbakusoreka ba Chiuta na Chiuta mweneko), ndipo kwakuyana na umo vinthu vikwendera pa umoyo wawo wa dazi na dazi (kukanganya mu mitima yawo, kudonda, kugongowa, kujeruzga, na wofi). Kukuwoneka ngati kuti kajirabiskiro ka baKhristu aba kari pabiri, karabiskiro ako Mazgu gha Chiuta ghakuyowoya na karabiskiro ako charu na ivyo iyo mwene wakuwona kakuyowoya, ivi ndivinthu ivyo vikususkana pa umoyo withu. Apo tikukhara umoyo withu wa chiKhristu dazi na dazi, kasi tikwenera kupurikiska wuri kuguzana uko kuri pakati pa umoyo withu mukabiro kithu na umoyo wene wuwo Chiuta wakuyowoya mu Mazgu ghake? 2. “kasi mphawuri apo ine ndawakuzgoka ndikharenge umoyo uwo Chiuta wakuyowoya mu Baiburo kuti ndicho ine ndiri?” Chigaba chikuru chomene pa umoyo wa chiKhristu nkhumazga kuguzana uko kuri mukati mwithu kwene kuko kukwiziska kususkana mukati mwithu pa icho tiri na icho tikwenera kuba mwachipurikano chifukwa chakuponoskeka mwa uchizi. Nyengo zinandi, icho tikaba chikuwoneka kuba chankhongono chomene kuruska icho ise tiri pasono chifukwa cha Yesu. Kasi munthu uyo wazgoka sono wangamanya wuri kuzomerezga icho Mazgu gha Chiuta ghakuyowoya kuti ndivyo iyo wari kuruska icho wakaba pambere wandazgoke? Umoyo ukoroberi ukuwoneka kuba wa unenesko chomene kuruska wa chizgoka. kasi munthu wangatonda wuri mwakuti wamanye kuti mazgu gha Chiuta ngawunenesko chomene pa ivyo ghakuyowoya na vya munthu uyo wazgoka kuruska ivyo wakumanya vya kare lake.

Kukhwaskana