Kurwa nkhondo ya Chipurikano

Chisambizgo cha chitatu Kunjiramo kwithu • 47

3. “Banji bakuyowoya kuti ine ndikharenge waka kunyumba na kusopa Chiuta wane pandekha.” Dazi linyake, nkhakumana na munthu munyake mlara mwene uyo wakayamba waka kwenda na Yesu, kufumira munkharo yakukhweba vyamba na mankhwara ghaheni. Suzgo likaba lakuti wakajiwonanga kuti ngwakwenelera chara kukhara pamoza na baKhristu chifukwa cha mbiri yake yakwajananga, kwanangira bakutemweka bake kweniso kuba na ubare uheni na banthu. Wakati wiza dazi linyake pakati pa bakuzgoka, wakajichombora chomene ndipo wakati, “Kwamara, ine ningakhara chara pakati pabanthu aba. Mbanthu baweme chomene ndipo ine ndiri wakwenerera chara kukhara pakati pawo. Kwene nkhukhumba chomene kwenda na Yesu, kwene kukhara na banthu aba chara. Ndijikharirenge pandekha, ndisopenge pandekha, vyakutchalichi chara. Ndendenge na Yesu pandekha.” Kasi imwe mungamusambizgachi, kasi ivyo wadumura mumtima wake ndivyakwenerera panji chara – longosorani? Muchisambizgo chajumpha ( Kunjiramo Kwithu) tikasambira kuti pose apo tikuzgokera kwa Chiuta kufuma kubachiuta ngoza, na kurapa na kumuzomera Yesu wa kuNazareta kuba Fumu na Mthaski wa umoyo withu wamoyo, tikuzomeraso kunjira muwupu wankhondo ya Yesu Khristu na Kurwa na Satana. Sono tisandenge usambazi uwo tiri nawo pakuba kuti mwachipurikano tiri kubatikana na Yesu, ndipo tiri mwa Yesu Khristu. Kubatikana kwithu na Yesu mwa Chipurikano kukutipa ise kabiro kapya na wubare wupya na Chiuta (tiri bakutemwereka na Chiuta, bakusoreka, na bakutumbikika pakuba bana bake na bahaliri ba Ufumu wa Chiuta). Mwakusazgirapo, bakuba banthu awo bakwenda na Yesu, Mzimu Mtuba wakutenerezga kuti tikhare mukutonda kwake dazi na dazi apo tikurwa nkhondo ya chipurikano ndipo na kupokera nkhongono zakwendera mukhumbiro la Chiuta (aka ndiko kabiro kithu)! Kwakuyana na Chipangano chasono, wari yose uyo wakupurikana na Yesu wari kubapatizikira mwa iyo (Kubatikana na Yesu) Khristu pakutebeta kwizira mwa Mzimu Mtuba (labiskani pa. 1 BaKorinte 12.13 – Paulosi wakabapharira bina Korinte kuti kwizira muwutebeti wa Mzimu yumoza wa Chiuta wose awo mbakupurikana bari kubatikika ku thupi limoza – kwari mbaYuda panji mba mtundu waka. Wose abo bari mwa Yesu bakumwera munkhombo yimoza ya Mzimu Mtuba. Apo Mzimu Mtuba wakatinjizga mwa Khristu kuti tikaponoskeka kuwukari wa Chiuta na kupika waka umoyo wamuyirayira chara, kwene tiri kupokeraso kabiro kapya na ubare upya na Chiuta, wenewuwo wuri kupika kwa ise mwapadera-dera chomene chifukwa tazgoka bamoza na Yesu (bazgani “vitumbiko 33 mwa Khristu” mundondomeko).

Chisambizgo