Kurwa nkhondo ya Chipurikano

48 • Kurwa nkhondo yiweme ya Chipurikano

Mwawunenesko wose, tiri bakutumbikika na vitumbiko vinandi chomene chifukwa tiri kugomezga Khristu mwati wa chiponosko chithu. Zakwananga zithu zagowokereka (baEfeso. 1.7; Bakolose 1.13), taphemaniskika na Chiuta, tawezgekera mwa iyo (2 Bakorinte. 6.18-19), ndipo tapokerereka mu mbumba ya Chiuta Dada (Baroma. 8.14-15, 23). Chimoza mwa vinthu ivyo tiri navyo mwa Yesu ndi kuba mbumba ya Chiuta wene wuwo ndi Mpingo wake ilo ndi thupi lake, mwa chipurikano. Tikuwonga Chiuta chifukwa nkhondo iyo tikurwa, kuti wari yose wakurwa payekha-payekha chara kwene tiri thupi limoza, ndipo nkhongono zithu ziri muwunandi withu. Bakupurikana wose kufumira ku awo bakamba chikhristu kufika kuno kurero, bakupanga thupi limoza la Yesu. Nanga wuri kuri mipingo yinandi, kwene kuri mpingo umoza waka uwo ukamba na Khrsitu na Bapositore, ndipo wuri kupaturiskika na Chiuta mwakuti ukwaniriske khumbiro lake pacharu. Chipurikano cha Bapositore chikuyowoya kuti mpingo uwu ngumoza, Utuba, wakwambika na Bapostore, ndipo ndi Ekleziya lituba lawose* (lachisanisani), ndipo likupangika na mipingo yinandi-nandi mucharu chose chapasi, mumbiri ya charu. Ntheura, tiyeni tipurike ivyo Paulosi wakuyowoya kubina Filipi na kubikapo mtima apo tikwenda na Yesu: Tiri bene charo bamu Ufumu wa Chiuta, ndipo kufumira kuchanya tikurindizga kwizaso kwa Fumu yithu Yesu Kristu, Mponoski withu. Yesu ndiyo wizamkusintha mathupi ghithu, kuba mathupi ghauchindami na kughayaniska na thupi lake, wamkufiska ichi na nkhongono zake izo wakubira Fumu pa vyose ivyo viriko. Unenesko ngwakuti, wakupurikana wari yose ndi mwene charu cha kuchanya, ndipo mpingo wuri wose ndi wumba wa nkharamba za Khristu Yesu pa charu chapasi, uko tikuwunjikana kutegherezga ku Mazgu gha Chiuta, kumusopa Chiuta, kuzengeka, kuwutebeti wa Khristu pamoza na batuba wose. Munyengo zakwamba waka kwa Mpingo wa Chiuta, Mzimu Mtuba wakadangirira banthu ba Chiuta kuremba mwakupurikikwa makora ivyo tikupurikana na kugomezga, umo tikwenera kusopera, na ivyo maremba ghakuyowoya na umo vinthu vikwenera kuchitikira. Vigomezgo *Ekleziya lituba lawose – Chikung’anamura mpingo kwakuyana na mazina na vipurikano vyak upambanapambana chara kwene wene na wene mwa Yesu Khristu wene wuwo wuri mubanthu bamumipingo yakupambanapambana (CCAP, Katorika, Chipangano), kufumira mu mitundu yak upambanapambana. Ekleziya lituba la wose ndi mpingo wa banthu wose awo mbakupurikana na Yesu Khristu kwambura kurabiska mpingo uwo bakufumako kwene chipurikano chawo. ~ Karata wa Paulosi kwa baFilipi (baFilipi. 3.20-21)