Kurwa nkhondo ya Chipurikano

Chisambizgo cha chitatu Kunjiramo kwithu • 53

Bapositore munyengo ya Chipangano Chasono bakuphara kuti wakupurikana wari yose wari kubatikizgana na Yesu na mlimo wake, kwizira munkhongono ya kubapatizika na Mzimu Mtuba. Mzimu Mtuba wari kutibika mwa Yesu Khristu, kutiringanizga na nyifwa yake, kusungika kwake, kuzguka kwake, na umoyo wupsya. Mwa Yesu, kuti tiri kumphepete ya ukari wa Chiuta chara, ndipo tirije wofi na charango cha Chiuta chara Pachifukwa cha zakwananga zithu, (kuswa dango la Chiuta) uko tiri kuchita. Chiuta wari kutipa mwa Yesu Khristu, vitumbiko vinandi na chanduro chikuru chomene. Pa vinthu vyawanangwa vinandi ivyo tiri kupokera, chimoza mwa vyakuzirwa chomene ndi kuba bamoza bamumbumba ya Chiuta uwo ndi Mpingo, ilo ndi thupi la Yesu. Chiuta wari kugumaniska tose muthupi la Yesu, mwantheura sono, kwabakupurikana wose wari kupereka mwabi na mlimo wakuti tikure na kukhara nga mbana baChiuta mumbumba yake (1 Yohane 3.1-3), ngati ndi thupi la Yesu Khristu (Baroma. 12.4-8), kweniso ngati ndi tempire la Mzimu Mtuba (1 Bakorinte. 3.16-17). Tiri kuchemeka kuti tikakhare wari yose payekha-payekha chara, ngati ndi umo thupi la munthu liliri kuti chibaro chiri chose chingatebeta pachekha-pachekha chara kwene muwumoza ngati ndi thupi lose pamoza. Mwantheura wakupurikana wari yose wakwenera kujiwona kuti ndi mwene kaya wakuchanya, uyo wari kubatikana na Yesu muchigomezgo chakwizaso kwake mucharu. Mukaghanaghaniro aka, mpingo wuriwose ukwenera kupurikiskika kuti ndi wumba wa zinkharamba za Chiuta mucharu, awo bakuwunjikana mwakuti bakure, kusopa Chiuta, na kumutebetera pamoza na baKhristu banyawo. Kwambira pamtendeko, Mzimu Mtuba wakhara wakurongozga banthu ba Chiuta kukumanya, kuphara, na kuvikirira visambazgo na maluso gha bapositore ba Yesu ngati ndi umo ghari kurembekera mu Baibulo na kusambizgika na Mpingo kwa miwiro yinandi. Mdauko Wakuzirwa uwu, fundo yikuru ya chigomezgo cha Mpingo, yikugomezgeka kupharazgika na kukumbukika ku mpingo, mucharu chose chapasi, pose apo Khristu wakuzomerezgeka na kupokelereka kuba Fumu na Mthaski. Kunjiramo kwithu, kufumira apo tapurikana, tikunjira mu Mpingo na kuba yumoza wa banthu bamumbumba ya Chiuta, apo tikuwungana na banyithu, kumusopa Chiuta, kukulira pamoza, na kumutebetera Chiuta pamoza na banyithu. Vyakubazga vyakusazgirapo ivyo mukwenera kubazga na kurangurukirapo muchisambizgo ichi ndi ivi: Vitumbiko 33 mwa Yesu (Ndondomeko. 14) Mwa Yesu (Ndondomeko 8)

Mwawufupi

Ndondomeko