Kurwa nkhondo ya Chipurikano

54 • Kurwa nkhondo yiweme ya Chipurikano

Yesu wa kuNazareta: The Presence of the Future (Ndondomeko 4) Kuruta kunthazi apo tikurabiska kunyuma: Kurazga kukuwerezgeramo Mdauko withu wa chikhomo cha Zivangelio (Ndondomeko 16) Chipurikano cha Bapositore ( Ndondomeko 24 and 25) Chipurikano cha Bapositore (Ndondomeko 26)

Mwa Khristu tiri kupokera vitumbiko vyose vyakufumira kuchanya (baEfeso 1.3).

Fundo Zikuru- zikuru

Nkhani ya Chiyezgerero

Bazgani ndipo langurukirani pa makani agha na fundo zake ndipo perekani mazgoro na umo imwe mukupurikira na kuwonera kuti mungawovwirapo uli pa makani agha kwakuyana na Mazgu gha Chiuta agho mwabazga na kusambira. 1. “Nkhwenera kubapatizika chara? Ndiri kubapatizika kare.” Msungwana munyake uyo wakaba kuti wazgoka mwasono-sono, wakadumbizgananga na Mliska wake pa makani gha ubapatizo. Wakafumba usange ntchakwenerera kuti wabapatizike chifukwa wakabapatizika apo wakaba mwanichi. Mbunenesko kuti apo wakabapatizika kuwanichi wake kuti wakapurikiska panji kuzomerezga Yesu mu umoyo wake chara. Wakaba na virimika 12 (khumi na vibiri), wakamanyangapo nakanthini kose chara kuti ubapatizo ntchichi ndipo sono wakamanya makora chomene kuti wakapurikana na Yesu chara. Kasi imwe mungamuphalirachi msungwana uyu? Kasi wakwenera kubapatizikaso? Kwene panyengo iyi sono, wabapatizikenge na umanyi wose pa ivyo vikuchitika pa umoyo wake na chipurikano na kujipereka kwa Yesu kuba Fumu na muthaski wake? 2. Mubwezi wane wakuniphalira kuti usange nkhukhumba kupokera kanthu kufuma kwa Chiuta, nkhwenera kuzunura waka icho nkhukhumba nakuchipokera, mbwenu. Kwene kasi Baibulo likusambizga kuti wuri? Munthu uyo wazgoka sono wasambizgika kuti, usange wakukhumba kanthu kufumira kwa Chiuta, wachizunurenge waka ndipo waphare pakweru kuti wapokera, mbwenu chinthu chira ntchake. Ulato chomene wuri pa vyuma na vinthu vyose ivyo munthu wakuvidoka pa umoyo wake, ndipo umoyo withu ukulabiskiskapo chara kwene vitumbiko ivyo Chiuta wakupereka. Kasi tikwenera kupurikiska wuli makani ghakuti, Chiuta wari kutipa vitumbiko vyose mwa Fumu Chiuta (baEfeso. 1.3), na chisambizgo icho chandana sono mucharu kuti tikwenera kuba banthu bambura wusawuchi paumoyo withu (mwawufupi bakuti “umoyo na usambazi ndi vithu nyengo zose”). Chisambizgo ichi chikuti mukhristu wakwenera kulwara chara nesi kuba mukavu chifukwa wari na Yesu.