Kurwa nkhondo ya Chipurikano

Chisambizgo cha chitatu Kunjiramo kwithu • 55

Kasi tikwenera kupurikiska na kupambaniska wuri pamakani gha kuponoska, kupwererera na vitumbiko ivyo ni vithu mwa Yesu Khristu? 3. Nkhutondeka kusanga ivyo nkhukhumba kufumira kumpingo wumoza pera. Nkhusanga ivyo nkhukhumba kufumira ku mipingo yakupambana-pambana – nkhusopa ku mpingo uwu na uwu na kumaferoshipi. Kasi ichi ntchakwanangika? “Kwendendeka mumipingo” ntchinthu icho bakhristu banandi bakuchita lero. Bakugomezga kuti bangasanga chara ivyo bakukhumba kuti bakure mu umoyo wawo wa uzimu kufumira ku mpingo wumoza pera. Banandi bakwendendeka mu mpingo uwu na uwu kupenjerezga ivyo vingabavwira kuti bakure muchipurikano chawo. Mucharu lero banthu bakugomezga kuti kwendendeka mumipingo, maferoship, kumaprofeti na kubanthu baChiuta ndiko kungabapa wovwiri. Kaluso aka kali kuzengeka pa fundo yakuti, apo ungakurira pakumanyikwa chara, mwana wa ngw’ina wakukurira pa chiziba chimoza chara. Awo bakukoreska chisambizgo ichi bakugomezga kuti munthu ukwenera kuba na wene na wene na banthu bamipingo yakupambana-pambana, upurikizgeko upharazgi wa uku, chisambizgo cha uku, kasopero ka uku na uku kweniso fundo za mliska uyu na uyu. Usange Mipingo yose ndi zinkharamba za Chiuta izo zikuwungana pamoza mwakuyimira Chiuta, kasi tingatondeka wuri kukura mu umoyo withu wa uzimu usange tikwenda uku na uku? Torani nyengo musabata ili kubazga na kusanda makani agho ghakuyowoya na vya vitumbiko na chanduro ivyo tiri navyo mwa Chiuta pakuba mukhristu wakubapatizikira mwa Yesu. Mungasanda panji kumanya chara vitumbiko ivyo muri navyo mwa Yesu usange mundavimanye na ichi vikung’anamura mwa Yesu Khristu. Bazgani na kusanda kufumira mu ndondomeko 33, “Vitumbiko mwa Yesu Khristu” mwakuti mupurikiske unenesko uwu. Chimubiraninge chiweme chomene usange mwapurikiska chanduro na vitumbiko ivyo muri navyo mwa Chiuta chifukwa muti mumanye kuvitebeteska mukuromba, mukayowoyero na mukendero kinu. Usange muchari mundanjire mumpingo, ipo pemphani kwa Chiuta kuti wamurongozgeni mumadazi ghakwiza mwakuti musange mpingo uwo munganjiramo. Mukwenera kuba pasi pa mliska muweme, mpingo uweme uwo ukusambizga makora mazgo gha Chiuta pamoza na bakhristu bakugomezgeka mukarondezgero ka Mazgu gha Chiuta. Chakukhumbikwa nkhuba waka yumoza wa banthu mumpingo chara kwene kupurikana na Chiuta na kumutebetera pamoza na ba Khristu banyinu. Nyengo zinyake pakwamba vikuwoneka ngati kuti ndi vinthu vyakusuzga chifukwa mukukumana na banthu bamitundu yinandi na vyakuchitika vyakupambanapambana, kwene zizipizgani mwakuti mumanye kusambira na kwendera lumoza na banyinu apo mukumutebetera Chiuta (BaGalatiya 6.7-9).

Kukhwaskana