Kurwa nkhondo ya Chipurikano

C hisambizgo cha chinayi U chindami uwo tikupokera Utebeti wa Mzimu Mtuba pa nkhondo ya Chipurikano

Kwakuyana na vyawanangwa mu Mpingo, Chiuta wari kupereka bapositore, baprofeti, bavangeli* pamoza na bariska* na basambizgi, wose na wurato wakukwimiska Mpingo mwakuti utebete makora na kuzenga thupi la Khristu. Khumbiro la Chiuta ndakuti, tose ngati mbanthu bakupurikana tikwenera kukura na kukhwima mu umoza mu chipurikano na muwumanyi wakufikapo wa Yesu Khristu, mwana wa Chiuta, mwakuti tibe bakukura makora mu umoyo withu wa Uzimu, mwakuyaniskika na kabiro ka Yesu Khristu. Chiuta wakukhumba kuti tingabangaso ngati mbana bonda chara, bakuyeyeka uku na uku na visambazgo vyautesi nakuyeyeka na vinthu viri vyose vya pa charu. Mumaro mwake, Chiuta wakukhumba kuti tisambire kuyowoya unenesko muchitemwa, kukura munthowa yiri yose mwamwene uyo ndi mutu wa thupi lose la bakupurikana, mwene uyo ndi Yesu Khristu. Pawumaliro wa chisambizgo ichi, mukwenera kukoreska chisambizgo cha Uchindami uwo tikupokera pakupurikana kwizira mufundo izi: • Mzimu Mtuba wakukhara mwa wakupurikana wari yose, ndipo wakubenekelera wari yose na vyawanangwa mwakuti watebetere thupi lose la Chiuta. • Tikupika wanangwa mwa Yesu kuti titebeteske vyawanangwa vithu, ngati ndi umo Mzimu Mtuba wakuperekera mwabi kuwutebeti wake. • Kwizira mu wurongozgi wa Mzimu Mtuba, vyawanangwa, na nkhongono, tiri kupika nkhongono zakukwanira kuti tikhare mukati mu wene na wene pamoza na bakupurikana mu Mpingo, pakukulira pamoza mukukhwima na muwumoza. ~ Kalata wa Paulosi ku baEfeso (baEfeso. 4.11-15)

Ulato

*Bavangeri aba ndi banthu awo bari kuphakazgika na Mtuba kuti bapharazgenge Mazgu gha Chiuta mwakupurikikwa makora kubanthu. Nanga wuri wakupurikana wari yose wakugaba Mazgu gha Chiuta, ngati ndi umo Chiuta wari kurangurira wari yose, banthu banji bari na chawanangwa kuruska banyawo. *Baliska aba mbasungiliri ba mskambo wa Chiuta awo bari kupika chawanangwa chakurabirira maskambo wa Chiuta. Baliska bakwenera kuvikirira na kupwelerera mskambo kwizira mukusam bizga, kuchiska, kuchenya mwachitemwa, kuchenjezga mberere ku mawunono na vyakofya vya pacharu na kurongozgera mberere kukuchita murimo wa Chiuta muvikaya vyawo.

59