Kurwa nkhondo ya Chipurikano

60 • Kurwa nkhondo yiweme ya Chipurikano

Lurombo lwa kupempha Zeru

Chiuta wamuyirayira, baDada Chiuta, mu Mazgu ghinu mukuyowoya kuti, imwe mujando la umanyi wose na vinjeru. Nkhuzomera kuti uwu mbunenesko, ndipo nkhumupemphani kuti mubikemo mwa ine umanyi, vinjeru, mwakuti ndimanye kusambira Mazgu ghinu (2 Timote 2.15). Chonde mundirongozge na kundisambizga kwenda munthowa iyo ndendengemo (Masalimo 32.8). Khutu lane litegherezge mwakuti nditegherezge ku Mazghu ghinu pera ndipo mundinozge mukaghanaghaniro kane na mukayowoyero kane, ndipo mundiwezge apo ndapuruka. Badada, mundipe chawanangwa chakamanyiro, mwakuti ndimanye kupambaniska visambizgo viweme na viheni. Mundirongore khumbiro linu kwizira mwa Mzimu Mtuba, nakundipa njubi yamoyo mwakuti ndimanye kuchita khumbiro linu na mtima wane wose. Fumu yane, Chonde mundovwire kupurikiska na wambura mwamphu mukuyowoya na wambura kukwiya bweka (Yakobe 1.19). Mphanyi maghanoghano, maranguruko na mazgu gha kufuma pa mlomo wane vibe vyakupokelereka kwa imwe. Mundovwire kuti ndiyowoyenge unenesko winu pera mwakuti wose awo nkhuyowoya nawo basange chanduro kufumira mu unenesko winu. Nkhuromba vyose vi mu zina lakuzirwa la Fumu yithu Yesu Khristu. 1. “Kasi Bapositore na barongozgi wose bacharipo panji bari kuruta?” Mukusanda Mazgu gha Chiuta (Baibulo Stade) mu buku la baEfeso, munthu uyo wazgoka sono wakubazga pa baEfeso 4.11-15 nakufumba fumbo lakuti, “Ine ndaghanaghananga kuti bapositore, baprofeti, na banthu bakuyana na iwo bari kumara ndipo pasono tirije banthu bantheura aba. Kasi maremba agha ghakung’anamurachi? Kasi tichari nawo banthu awo bakutebeta ngati mbapositore ba Yesu? Usange ndi ntheura, bari kochi? Usange nkhumupurikiska makora Paulosi, Chiuta wari kutipa banthu aba mwakuti batovwire kusambira kutebetera banthu. Kasi imwe mukughanaghana kuti mavesi agha ghakung’anamurachi? Kasi Chiuta wachari kupereka banthu bavyawanangwa ku Mpingo wake lero mwakuti utebeti wake wendenge makora mucharu? 2. “Nkumumanya chara muliska wane.” Dazi linyake munkhumano ya marurombo gha banarume, makani ghakabuka pakati pithu. Makani ghakaba ghakukhwaska kuba pasi pa mliska mwakuti watisambizgenge na kutilera. Munyake wakazgora kuti, inya ntchakwenerera chifukwa Chiuta wari kutipa baliska mwakuti batisambizgenge na kutipwererera kumawurwani agho ghakwiza na visambizgo vyautesi mwakuti tibe bakwenerera kutebeta makora. Mliska wari kupika nkhongono kufuma kwa Chiuta kutovwira ngati mba Khristu mwakuti tilereke makora kuti

Kukhwaskana