Kurwa nkhondo ya Chipurikano

Chisambizgo cha chinayi Uchindami uwo tikupokera • 61

tikure na nkhongono. Munyake wakati, nkhupurika ivyo ukuyowoya, kwene unenesko ngwakuti, nkhupurikiska chara fundo iyi. Ine ndiri kudumbiranapo na Mliska kamoza pera, ndipo ndikare chomene, apo nkhiza kakwamba ku tchalichi, ndiposo nkhumumanyaso makora chara. Kasi munthu wakuti nkhumumanyaso chara wangaba wuri mliska wane? Kasi imwe mungamusambiza wuri munthu wantheura uyu? Kasi mukuwona kuti Chiuta wakukhumbachi na munthu wantheura uyu pa makani ghawukhariro wake na Mliska wake? 3. “Kasi mukumanya wuri kuti muri na Mzimu Mtuba?” Mukhristu wakuzgoka sono wakaba na suzgo apo bakadumbirananga na banyake pa nkhani yakuba na Mzimu Mtuba. Munthu munyake wakatenge iye ndi mu Khristu wa chipentekoste. Munthu uyu wakamupharira kuti wakwenera kuzuzgika na Mzimu Mtuba. Mzimu Mtuba wakwiza usange munthu wapokera ubapatizo wa Mzimu Mtuba ndipo wakwamba kuyowoya na malurimi ghapsya*. Munyake wakamuzgora kuti, nkhasambira sabata yamara kuwupu withu wakusanda Mazgu gha Chiuta (Baiburo stade) kuti munthu wari yose usange warapa na kuzgoka na kupurikana na Yesu wakupokera Mzimu Mtuba ngati ntchididimizgo ndipo Mzimu Mtuba wakukhara mwa iyo, papo na papo. Tiri kusambiraso kuti Mzimu Mtuba wakutipa vyawanangwa vyakutovwira kuti titebetere makora baKhristu banyithu mu thupi la Yesu, ndipo malurime ntchimoza mwa vyawanangwa vya Mzimu Mtuba. Kwene fumbo njakuti, kasi ndi munthu wari yose uyo wakuyowoya mumarurimi ghachirendo? Ndiposo kasi mukhristu wari yose wakwenera kuba na vyawanangwa vyose? Ndipo vyawanangwa vikutebeta wuri? Munthu uyu sono wakanwekera kupurika vinandi vya Mzimu Mtuba – kasi warutirizge wuri?

*Kuyowoya mu malurimi – Apo Tcharichi likambanga waka, pakwiza kwa Mzimu Mtuba (Milimo 2), bakupurikana bakapokera vyawanangwa kufumira kwa iyo, ndipo kuyowoya mumarurimi chikaba chimoza mwa vyawanangwa ivi. Marurimi ghakaba kuyowoya chiyowoyero icho munthu waka chimanyanga kare lose chara. Chawanangwa ichi chikuyowoyeka pa (1 baKorinte 12.1-31), kuti ntchawanangwa chakovwira banthu kuti bakuzge Mpingo wa Chiuta. Kwene usange tikurabiska pa Milimo 10:44-46, tikupurika kuti banthu bakuzgoka sono bakapika chawanangwa ichi apo bakapo kera Yesu kuba Mthaski wawo. Mu Mipingo yinyake lero, bakugomezga kuti muKhristu wari yose wakwenera kuyowoya mu Malurimi mwakuti warongore kuti ngwa kuzuzgika na Mzimu Mtuba. Banji bakugomezga kuti pari nthowa iyo bakwenera kurondezga kuti basambire kuyowoya mu malurimi, banji bakugomezga kuti ntchawanangwa cha Mzimu Mtuba icho iyo mweneko wakupereka kuban thu ngati ndi umo wakhumbira. Mipingo yinyake yikugomezga kuti kuyowoya mu Marurimi kuri kumara chifukwa chikaba chawanangwa cha bakhristu bakwambilira pera ndipo kwasono chawa nangwa ichi chiri kumara. Mzimu Mtuba wari kureka kupereka chawanangwa ichi ku banthu.