Kurwa nkhondo ya Chipurikano

62 • Kurwa nkhondo yiweme ya Chipurikano

Muchisambizgo chajumpha ( umo tikunjilirapo ) tikasambira kuti apo tikapurikana na Yesu, tikabapatizikira mwa Yesu Khristu, ndipo tihalira vitumbiko vinandi mwa iyo. Sono tisandenge ivyo Mazgu gha Chiuta ghakuyowoya na Mzimu Mtuba, murimo wake na vitumbiko mu umoyo wa banthu bakupurikana ndipo tiwonenge na umo wakuperekera vyawanangwa na utebeti wakupambanapambana vyakutovwira kuti tikure na kuba bakhristu bankhongono apo tikwenda na Yesu mu makani ghake, ghakurwa nkhondo yiweme ya chipurikano. Mzimu Mtuba ndi chikhore cha vyakunthazi icho ise ngati mba Khristu tamupokera apo Fumu yithu Yesu Khristu wamukwizaso kuzakakhazikiska ufumu wake mucharu. Mzimu Mtuba wakupereka kwa mkhristu wari yose chawanangwa mwakuti wamanye kutebetera na kuzengeka makora. Mzimu Mtuba wakwiza kuzakakhara mwamunthu wari yose uyo wamuzomera Yesu; parije munthu uyo warije chawanangwa chifukwa thupi la Yesu likukhumba kuti wari yose nga ntchibaro, wakwenera kuchitapo kanthu. Kwizira mu Uchizi wa Chiuta, iyo mwene wari kutipa chigowokero na wanangwa kukwananga, njubi yakutisuska, na cheruzgo mwakuti timanye kovwira banthu mu mbumba ya Chiuta mwakwenerera na chikanga chose. Wakutovwira tose kuti tikure apo tikusanda Mazgu gha Chiuta, kukwezga zina lake mu Mazgu ghake, na pakurya monesko (chisopo), mwakuti tizengeke mu uzimu apo tikwenda lumoza mukujikora na kujikanizga kose, na kugabana na banthu uthenga uweme ku banthu wose (kuchitira ukaboni kubanthu). Apo tikurutirizga kukura mukumusopa Chiuta na kurwa nkhondo iyi, tikukhwimiskika muchipurikano chithu mwakuti timanye kukhwimiska banyithu. Apo bakupurikana bakukura muchipurikano, apo ndipo kukoreranako muchipurikano nako kukuya munthazi, icho ntchakukondweska kwa Khristu Yesu.

Chisambizgo