Kurwa nkhondo ya Chipurikano

68 • Kurwa nkhondo yiweme ya Chipurikano

Ndi Chiuta mwene uyo wakupereka kwa wari yose wa ise kuchita, kufiska na kutebeta mwakwenelera kwa mapokelereko kwa Chiuta (BaFilipo 2.13).

Fundo Zikuru-Zikuru

Nkhani ya chiyerezgerero

Bazgani na kughanaghanira pa makani agha na fundo zake, ndipo perekani mazgoro ghinu pa udumuliro wawo, kufumira pa mavesi agho mwabazga pachanya apo. 1. Kasi Mzimu Mtuba wangafumamo mwa Munthu? Nyengo zinandi mukhristu wari yose wakuyezgeka kuba na nkhayiko pa chiponosko chake, panji kughanaghana kuti Mzimu Mtuba wafumamo mwa iyo. Visambizgo vinyakhe vikuzomerezga kuti munthu uyo warapa na kupurikana na Yesu, pachifukwa chakwananga kwake pakureka kupurikira Chiuta, wakureka kuba mwana wa Chiuta. Labiskani mumavesi agha ndipo zgorani fumbo ili; kasi Mzimu Mtuba wangafumamo mwa Mkhristu?

a. 1 Yohane 5.11-13: b. BaEfeso 1.13-14: c. Baroma 8.31-39:

2. Kasi ndingamanya wuri kuti ivyo nkupurika mukati mwane vikufumira kwa Mzimu Mtuba panji kwa ine ndamwene, panji kwa Satana? Chimoza mwavinthu ivyo vikukhwaska banthu awo bakukura mwa Yesu nkumanya kurongozga kaghanaghaniro kawo na ivyo bakujiyowoyera bekha. Nanga wuri tiri kuponoskeka ndipo tiri bake ba Yesu, murwani withu wachari na nkhongono kutironda mukaghanaghaniro kithu ndipo wangamanya kusachizgira kwa ise vinthu ivyo vikufumira kwa Chiuta chara ndipo vyambura chanduro kwa ise. Nkhaghanaghaniro kose chara ako kakufumira kwa Chiuta. Satana ndi mutesi ndipo ngwakunyenga (Yohane 8:44), ndipo tingamanya kumutonda chifukwa chakuti Mzimu Mtuba wakukhara mwa ise (wari mwa ise) ndipo ngwankhongono kuruska Satana (1 Yohane 4.4)! Tingayerezgera Yesu, kumukanizga satana, pakupurikiska Mazgu gha Chiuta, na kukana kuzomerezga vyakunjira mumaghanoghano ghithu, ivyo tikujiyowoyera pa tekha vyambura kwenerera ivyo vinganjira mumaghanoghano ghithu (Baroma. 12.1-2; 2 Bakorinte. 10.3-5). Bazgani makani gha kuyezgeka kwa Yesu na satana ndipo wonani na umo wakamuzgorera pakutebeteska Mazgu gha Chiuta ndipo wonani umo namwe mungamuyezgelera Yesu mukachitiro kinu (Mateyo. 4.1-11).