Kurwa nkhondo ya Chipurikano

Chisambizgo cha chinayi Uchindami uwo tikupokera • 69

3. Kasi pari kukoleranako wuri pakati pa Mzimu Mtuba na Mazgu gha Chiuta? Nthowa yiweme yakumanyira kayowoyero ka Mzimu Mtuba mukati mwithu ndi usange tikufwasa na kumanya Mazgu gha Chiuta. Baibulo likuti Mzimu Mtuba wari kukhubirizga barembi ba mabuku gha mu Baibulo mwakuti ivo bari kuremba viri kuphakazgika na Chiuta mweneko (2 Petrosi 1.20-21; 2 Timote. 3.15-17). Apo tikupurika Mazgu ghakupharazgika, kubazgika, kupharika kufumira pamtima, kurangurukirapo, tingamanya kaghanaghaniro ka Mzimu Mtuba. Chilwero cha mkhristu chakutondera mautesi gha Satana ndi Mazgu gha Chiuta, “Lupanga lwa Mzimu” (BaEfeso 6.17). Kasi ntchifukwa wuri nkhwakukhumbikwa kusanda fundo zose izo tikupurika, na Lupanga lwa Mzimu agho ndi Mazgu gha Chiuta? Bazgani 1 Batesalonika 5.19-21 Nga ndi mkhristu wakwamba sono, uyo wakukura muchipurikano, ntchakuzirwa chomene kupurikiska chawanangwa cha Mzimu Mtuba, chene icho wari yose uyo ngwakupurikana na Yesu wakupika. “Padazi lawumaliro la chiphikiro, dazi likuru, Yesu wakimirira ndipo wakayowoya wakati, usange wari yose wakupurika nyota, wize kwa ine ndipo wamwe. Wari yose uyo wakupurikana na ine” Nga ndi umo maremba ghakuyowoyera, “Kufumira mumtima wake mufumenge mbwiwi ya maji ghamoyo”. Sono ivi wakuyowoya kuphara za Mzimu Mtuba, mwene uyo awo bakupurikana nayo bati bapokerenge, chifukwa kufika panyengo iyi, Mzimu Mtuba wakaba wachari wandaperekeke, pakuti Yesu wakaba wachari wandathuwuskike (Yohane 7.37-39). Nga ndi munthu wakupurikana, muri kujaririka na chididimizgo cha Mzimu Mtuba kufika apo Yesu wizirengeso (baEfeso 1.13-14). Munyengo yakwenelera mumbiri ya charu, Chiuta wakatuma Mwana wake kananda kuzakatiponoska mwakuti ise tabakupurikana tipokerereke mu mbumba ya Chiuta na kuba bana ba Chiuta. Sono Pachifukwa chakuti tiri bana bake, Chiuta wari kutitumira Mzimu Mtuba mukati mwithu, lekani tikubangura kuti “Abba! baDdada!” (baGalatiya 4.6-7). Mzimu Mtuba wari kumuchemani kuti musuturike ndipo mube banangwa, kuti mwende muwanangwa, mube bakumanya na bakutumbikika na Mazgu ghake. Muri kuchemeka kuti mukhare banangwa kukweruzgika, kususkika, na kuchomboreka. Tikwenera kujiperekaso kuwuzga wakwananga chara. Tingapanga makhaliro ghapya, machitiro ghapya pa umoyo withu, na kachezgero kamapokelereko kubanyithu. Pachifukwa chakuti Mzimu Mtuba wakukhara mukati mwithu, tiri bakuchichizgika kuchita makhumbiro ghathupi chara. Muri nawo mazaza kusankha kurondezga makhumbiro ghinu gha thupi panji kurondezga kututuzgika na kurongozgeka na Mzimu Mtuba. Chiri chose icho tikusankha kuchita, pari vuna yake (BaGalatiya 6.7-9).

Kukhwaskana