Kurwa nkhondo ya Chipurikano

70 • Kurwa nkhondo yiweme ya Chipurikano

Sankhani umoyo! Yendani mu Mzimu, muthupi chara. Pemphani Mzimu Mtuba kuti wamurongozgani na kumukhozgani. Kharani mu Mazgu ghake, ndipo yowoyani nayo kabirikabiri. Mupurikirani muvyose ivyo wakumuphalirani kuti muchite. Kuwa nkhumbi chara. Pose apo mukwenda nayo chifupi, Mzimu Mtuba, chikuba chipusu kumupurikira, na kurondeza urongozgi wake.

Mzimu Mtuba wakukhara mwa ine, kundipa urongozgi na nkhongono za kuchitira na wanangwa na mazaza mwakuti Mpingo wake ukure mu umoza na mukukhwimiskika kuwuchindami wa Chiuta.

Kukhozgera

John Chrysostom (349 – 407) wakaba murongozgi wakuzirwa chomene mu Mpingo munyengo zakare chomene, wakamanyikwanga na kapharazgiro kake kaweme chomene kachiwuska nkhumbi. Bakamutya zina lakuti “Wakuthwa pamlomo.” Lurombo lwa kupempha Lusungu, ndondomeko ya lurombo lwa kujirambika lwa John Chrysostom Mumtende, tiyeni tirombe kwa Fumu. Fumu, mutichitire Lusungu. Mutipe mtende winu, na chiponosko chinu pa umoyo withu, Tiyeni tirombe kwa Fumu. Fumu, mutichitire Lusungu. Kube Mtende mucharu chose, Mpingo winu wose ukhare mumtende, nakuti pabe umoza mumpingo winu wose, tiyeni tirombe kwa Fumu. Fumu, mutirengere Lusungu. Panyumba yituba iyi, ku awo bari na Chipurikano, ntchindi, na kumopa Chiuta, awo bakunjira munyumba yutuba iyi, tiyeni tirombe kwa Fumu. Fumu, mutichitire Lusungu. Pa barongozgi bithu [baliska na barongozgi wose] na mpingo wa Chiuta uwo Chiuta wari kubikizga mumawoko ghawo, tirombe kwa Fumu. Fumu, muchitire Lusungu. Charu chithu, banthu wose, na wose awo Chiuta wari kubapa mazaza ghakurongozga Charu, tiyeni tirombe kwa Fumu. Fumu mutichire Lusungu, mutichitire Lusungu Fumu. Msumba withu uwu, na misumba yose mucharu chithu, na wose awo mwachipurikano bakukhara mwenemumo, tirombe kwa Fumu. Fumu, mutichitire Lusungu, Amen. ~ Roger Geffen. The Handbook of Public Prayer . p. 115.

Lurombo