Kurwa nkhondo ya Chipurikano

C hisambizgo cha C hinayi K uvivya uko tikurongora Kukhara mu charu nga mbatuba ba Chiuta na Nkharamba za Yesu. Tikwenera kuba banthu bakuyezgelera Chiuta, kukhara ngati mbana bake awo wakucha nawo. Ndipo tikwenera kusambira kwenda muchitemwa, kuchita mwantheura ngati ndi umo Yesu wari kutitemwera na kupereka umoyo wake mumaro mwithu kuba sembe kwa Chiuta. Pabevye kudokera*, uzaghari, ukazuzi, vikwenera kuzunurika yayi pakati pinu pakuti ichi ntchambura kwenerera pakati pinu nga mbana baChiuta batuba*. Pakwenera chara kuba ukazuzi wamtundu wuri wose, ukwakwa, kuyowoya kwaukazuzi, vinthu vyantheura ivi vikukoreranako chara na icho imwe muri. kwene, mazgu ghinu ghakwenera kuzura na kuwonga na ntchindi. Mukwenera kumanya ichi, wari yose uyo wakuchita uzaghari ngwakukazuzgika, panji muryezi (wakusopa vikozgo*), walije maro panji chakuhara mu Ufumu wa Chiuta. Pa umaliro wa chisambizgo ichi, mukwenera kukoreska chisambizo cha Kuvivya uko tikurongora: Kukhara mu charu nga mbatuba ba Chiuta na Nkharamba za Yesu, pakupurikana na fundo izi: • Tikwenera kutorera kwa Chiuta, ngati mbana bake bakutemweka. • Nga mbatuba mtima mwa Yesu Khristu, tikwenera kuyimira Chiuta pa banthu wose ngati ndi banthu bakupaturika. *udokezi – khumbiro likuru chomene lakukhumba kuba na chinthu. Vikujumpha pakukhumba kuba na chinthu kufika pakurampharampha na kukhumbisiska kuti chinthu chira chibe chako kwambura kughanaghanira wari yose panji chiri chose, chifukwa cha chigoro. *batuba – batuba mbanthu awo bari kupaturikira kwa Chiuta, bakujipereka ku mlimo wa Chiuta. Banji bakughanaghana mwawujira kuti batuba mbanthu awo bakukhara mwambura karema na bachisopo. Kwene batuba na bakutozgeka mbanthu awo bari kupaturiskikira kumlimo wa Chiuta. Mwachiyerezgero, usange muri na chakuvwara icho mukuvwara panyengo zakupaturika, chakuvwara icho ntchakupaturika, ntchapadera chomene kuruska vinyake. Mwantheuraso, batu ba mbanthu bakuyana waka na banthu banyake wose awo bari kuchemeka na kupaturiskika na Chiuta kuti bamusopenge na kumutebetera. *kusopa vikozgo – Wakusopa vikozgo ndi munthu mwene uyo wari kujipangira chinthu na kuchi sopa mumaro mwakusopa Chiuta murengi wa vinthu vyose. Chifukwa chakuti banthu bakukhum ba kuti umoyo wawo ubenge uweme, na wambura masuzgo, bayezga kujipenjera nkhongono zapadera izo bakuzipurikiska chara. Mwantheura banthu bakusopa vinthu, vyakuwoneka na vyam bura kuwoneka mwakuti basange vura, vuna, kureka kuroweka, mumaro mwakupempha kufuma kwa Chiuta. Banji mbachigoro chifukwa chakukhumba vinthu vya iwo bekha. Banji bakutamira masambiro ghawo, nyanga, chuma na vinyake vyantheura. Mwantheura, wakusopa vikozgo ndi munthu wari yose wakupenjerezga wovwiri kufumira kunyake kuri kose kuruska kwa Chiuta. ~ Karata wa Paulosi ku baEfeso (BaEfeso. 5.1-5)

Ulato

73