Kurwa nkhondo ya Chipurikano

74 • Kurwa nkhondo yiweme ya Chipurikano

• Nga ndi nkharamba za Chiuta, tikwenera kugabana na banthu, babwezi, bazengezgani muchikaya uthenga uweme wa chiponosko kwizira mu ntchito zithu ziweme, chitemwa pa Yesu Khristu mwakutebetera banyithu. Chiuta wamuyirayira, baDada Chiuta, mu Mazgu ghinu mukuyoya kuti, imwe mujando la umanyi wose na vinjeru. Nkhuzomera kuti uwu mbunenesko, ndipo nkhumupemphani kuti mubikemo mwa ine umanyi, vinjeru, mwakuti ndimanye kusambira Mazgu ghinu (2 Timote 2.15). Chonde mundirongozge na kundisambizga kwenda munthowa iyo ndendengemo (Masalimo 32.8). Khutu lane litegherezge mwakuti nditegherezge ku Mazghu ghinu pera ndipo mundinozge mukaghanaghaniro kane na mukayowoyero kane, ndipo mundiwezge apo ndapuruka. BaDada, mundipe chawanangwa chakamanyiro, mwakuti ndimanye kupambaniska visambizgo viweme na viheni. Mundirongore khumbiro linu kwizira mwa Mzimu Mtuba, nakundipa njubi yamoyo mwakuti ndimanye kuchita khumbiro linu na mtima wane wose. Ba Dada Chiuta, Chonde mundizgore kuba wakupurika lubiro, nakuba muzito kuyowoya, wambura kukwiya lubiro (Yakobe 1.19). Mphanyi maghanoghano, maranguruko na mazgu gha kufuma pa mlomo wane vibe vyakupokelereka kwa imwe. Mundovwire kuti ndiyowoyenge unenesko winu pera mwakuti wose awo nkhuyowoya nawo basange chanduro kufumira mu unenesko winu. Nkhuromba vyose vi mu zina lakuzirwa la Fumu yithu Yesu Khristu. 1. “Kasi nkhongono nkhuzisangankhu zakuchitira vyose ivi, nkhung’anamura, kuba ngati ndi Yesu?” Pambere wandazgoke, munyamata munyake wakaba muwupu wa banthu awo bakatinkhanga mtundu wa banthu bazungu. Vyose ivyo wupu wake ukachitanga, panji bakayowoyanga na ivyo bakakhumbanga vyakurongora kutinkha mtundu wa bazungu, chifukwa cha ivyo bakabachitira kunyuma mu mbiri yawo wakachitanga nawo. Wupu uwu ukajipereka kuwezgera bazungu vyakubinya ivyo bakabachitira mumbiri yawo. Apo wakarapa na kupurikana na Yesu, munyamata uyu wakafumamo mu wupu uwu wakutinkha bazungu, kwene wakakhwaskikanga na umo wangajisungira kutheremukiraso kumaruso ghakare ghakayowoyero kaheni, nkharo zathinkho izo wakakharamo munyengo yitari chomene. Wakati wasuzgika kwa nyengo yitari chomene na maghanoghano agha, wakati, “nkhukhumbaso chara kuba ngati ndi umo nkhabira, ndipo nkhupurikiska makora kuti Chiuta wakukhumba kuti ndibe ngati ndi

Lurombo lwa kupempha vinjeru

Kukhwaskana