Kurwa nkhondo ya Chipurikano

Chisambizgo cha Chinayi Kuvivya uko tikurongora • 83

munthu uyu? 18Mwa bana bane, kutemwa kureke kuba kwa pa mlomo pera. Kutemwa kukwenera kuba kwa unenesko, ndiposo kwakuwoneka mu machitiro ghithu. 1 Yohane 3:16-18 Baibulo lirikuzura na ntchemo zakuchemera bakhristu kuti chitemwa chawo chibe chaunenesko (Baroma 12.9), kwizira muwutebeti withu kubanyithu (Bagalatiya 5.13), kuti mu mazgu chara kwene mukendero (Yakobe 2.15-17). Kasi mukuwona kuti ntchifukwa wuri Fumu yikudidimizga chomene pa fundo yakuti chitemwa chithu chikwenera kuwoneka, mumazgu pera chara, kwene mumirimo na mukendero yakuwoneka kubanthu? Sono, mukwenera kughanaghana na umo fundo izi za mu Mazgu gha Chiuta, zingamanya kusinthira umoyo winu. Pakuti imwe ndimwe yumoza wa bakutemweka ba Chiuta mwa chipurikano mwa Yesu Khristu, muri kuchemeka kuti muyezgelerenge Yesu ndipo Mukuchemeka batuba mtima, barunji baChiuta! Ghanaghanani na nthowa mukajiwoneskero kucharu, umo mukuyowoyera ku banthu, umo mukukharira na banthu na bamumbumba yinu, na umo mukupwelerera banthu. Pemphani Mzimu Mtuba kuti wamupani nkhongono na vinjeru mwakuti mungakhara umoyo wakurondezga Chiuta kwambura kusintha-sintha. Kasi pari vinthu wuri ivyo mukwenera kusintha pa umoyo winu, mwakuti banthu bareke kukayikira umoyo winu wa chikhristu? Kweniso, imwe ndimwe nkharamba za Yesu Khristu, muri kuchemeka kuti muyimire Khristu Yesu na Ufumu wake kwizira mu viri vyose ivyo mukuyowoya na mkendero kinu. Kasi mukuwona kuti ndimunthowa wuri izo imwe mungachitira makora na banthu izi zingachitiska banthu kuti bawone Yesu uyo wari mwa imwe, na kuti bamanye Ufumu wake? Pharani unensko. Panji pakhumbikwenge kuti mureke maruso ghanyake, panji kwamba maruso ghanyake, panji kusintha kachitiro na kureka mawubare ghanyake pa umoyo winu. Chiuta wangamanya kumurongozgani kurutirizga kuchita vinthu vinyake panji kumurangurani kuchita vinthu vyachirendo pa umoyo winu. Mukwenera kuba bakujipereka kwa Mzimu Mtuba apo wakuyowoya namwe za utuba mtimwa winu, unkharamba, ndipo chitani chiri chose icho wakumurangulirani pa umoyo winu. kumbukirani, umoyo wauchiuta mbumoyo wakuwerezga-werezga pakuchita makora dazi na dazi. Jiperekani kwa Chiuta apo wakuyowoya namwe, ndipo kharani mu kumanyikwa kwinu mu umoyo wupya wa mtuba mtima wa Chiuta na nkharamba yake ya Khristu Yesu.

Kukhwaskana