Kurwa nkhondo ya Chipurikano

84 • Kurwa nkhondo yiweme ya Chipurikano

Chifukwa cha nkhongono ya Chiuta iyo yikutebeta mwa imwe, mungamanya kusambirako kwa Chiuta mukabiro kake, pakuyimira Chiuta nga ndi nkharamba ya Ufumu wa Chiuta, kwizira mu chitemwa chake na utebeti wake. Augustine wa ku charu cha Hippo (354 –430), wakaba nkhwantha yakusambira Mazgu gha Chiuta na vyachisopo (Theology) na kaghanaghaniro kaweme, mwene uyo vyakuremba vyake virikusintha kazengekero ka Mpingo wa Chiuta mu charu chakare cha bazungu. Wakaba Bishop wa ku charu cha Hippo (kwalero nkhu Algeria). Wakupimika kuti njumoza wa banthu bakuzirwa chomene mu mbiri ya Eklezia. Njumoza wabapapi ba Mpingo wa Khristu. Limoza mwa mabuku ghake ndi buku likuchemeka kuti “City of God” na “Confessions.” Lurombo lwa kukhumba kumumanya Chiuta, Augustine Fumu Yesu, ndovwireni kujimanya nakutiso ndimumanyeni imwe, Ndipo ndinwekere chinthu chinyake chara kwene imwe pera. Ndijitinkhe ine ndamwene ndipo nditemwe imwe pera. Ndichite vyose chifukwa cha imwe pera. Ndijiyuyure ndamwene, ndikwezge imwe. Ndighanaghane kari kose chara kwene imwe pera. Ndifwe kwa ine ndamwene, ndikhare wamoyo kwa imwe pera. Ndipokelere vyose ivyo vikuchitika na kuzomera kuti vikufumira kwa imwe pera. Ndijikanizge, na kurondezga imwe, ndipo ndikhumbe kurondezga imwe pera Ndifumemo mwa ine ndipo ndisangike mwa imwe pera, Mwakuti ndithaskike na imwe pera. Ndope kanthu chara kwene imwe pera, Ndipo ndibe pakati pa awo mbakusoreka na imwe.

Kukhozgera

Lurombo

Ndireke kujigomezga, ndigomezge imwe pera. Ndizomere kupurikira chifukwa cha imwe pera. Ndikwapirane na chiri chose chara kwene imwe pera, Ndipo ndibe mukavu chifukwa cha imwe pera. Ndirabiskani Chiuta, mwakuti ndimutemwani imwe. Ndichemani mwakuti ndimuwonani, Ndipo ndisangwe namwe.

~ Don L. Davis. A Sojourner’s Quest . Wichita, KS: The Urban Ministry Institute, 2010, pp. 93-94.