Kurwa nkhondo ya Chipurikano

C hisambizgo cha chinkhonde na chimoza N tchisko iyo tikupenja Kuzengana yumoza na munyake mu Thupi la Yesu Khristu.

Mungaroberanga na vinyo chara, panji vyakurobezga viri vyose, chifukwa vikutolera kuruzokozoko*. Kwene, mujikorenge na kuzuzgika na Mzimu Mtuba, apo mukuchiskana na kwimbira lumoza sumu za Masarimo* na mzisumu, apo mukwimba na kusangwa mwa Fumu na viwongo. Mukwenera kumuwonga Chiuta Dada withu munyengo zose na muvyose, pakuchita vyose mzina la Yesu Khristu. Jiperekani mwakujiyuyura kwa yumoza na munyake.

~ Kalata wa Paulosi kwa Baefeso 5.18-21

Pa wumaliro wachisambizgo ichi mukwenera kukoreska chisambizgo cha N tchisko iyo tikupenja pakupurikana kuti: • Umoyo wa chikhristu ngwakukhalirana, kukura lumoza nga ndi mbumba ya Chiuta, thupi la Yesu Khristu, na tempire la Yesu Khristu. • Tikusambira na vya Ufumu wa Chiuta, kusopa Chiuta, na kukura nga mbasambiri ba Chiuta apo tikukhara na bakusambira banyake mu Mpingo wa Chiuta na mumawupu ghachoko – ghachoko. • Apo tikurondezga Yesu uyo ndi Fumu na Mthaski withu, tikuzengeka (kukhozgeka) muchipurikano chithu, na kujipereka kwa yumoza na munyake mwantchindi kwa Yesu Khristu. *Luzokozoko – Chikung’anamura nkharo yakutorekera kuwuheni mwakuti munthu wakutonde ka kukhara kwambura uheni wura, (mwachiyerezgero, kumwa moba kukutolera kunkharo ya wurobevu mwakuti munthu wangakhara chara kwambura kumwa). Kwene kuti chikung’anamura kuti tireke vyose na vinthu ivyo vikutisanguruska chara, kwene ivyo vikutolera kuwuheni mwakuti munthu wakutondeka kuchita panji kukhara makora pa umoyo wake. Apa tikususkana na kabiro na nkharo yakususkana na Chiuta, nkharo iyo yikutiguzira kutari na Chiuta. Nkharo yakutizgora kuba chiyerezgero chiheni kubanthu na muchikaya mwakuti tingaba batebeti ba Chiuta chara. Vinthu vinyake ndiviweme waka kwene usange tajumphizga kuvigomezga na kuvichita vikuba viheni mwakujumphiska. Mwachiyerezgero, msinje wamaji usange ukwenda waka mumronga wake, ukubaje suzgo, kwene usange watura, ukunanga vinthu na kuviparanya, apo sono msinje wura ukuba wakunanga vinthu. Mwantheuraso Luzokozoko nkhugwiriska mwakunangika vinthu ivyo Chiuta wari kupereka mwakuti vitovwire pa umoyo withu. *Masalimo na zisumu – Masalimo ndi zisumu izo banthu bakwimba kumukwezga Chiuta kwen iso kuphara ivyo bakujumphamo. Mu Baibulo sumu za Masalimo ziri kurembeka chomene na Davide, izo banthu bakimbanga mumawupu na muvikaya apo banthu bakakumananga na muku chezga uku bakumusopa Chiuta. Zisumu ndi izo banthu bakwimba kumukwezga na kumusopa Chiuta mu maro gha Chisopo na muchikaya apo bafwasa na Chiuta wawo yumoza na munyake.

Ulato

87