Kurwa nkhondo ya Chipurikano

88 • Kurwa nkhondo yiweme ya Chipurikano

Lurombo lwa kupempha vinjeru

Chiuta wamuyirayira, baDada Chiuta, mu Mazgu ghinu mukuyoya kuti, ndimwe jando la umanyi wose na vinjeru. Nkhuzomera kuti uwu mbunenesko, ndipo nkhumupemphani kuti mubikemo mwa ine umanyi, vinjeru, mwakuti ndimanye kusambira Mazgu ghinu (2 Timote 2.15). Chonde mundirongozge na kundisambizga kwenda munthowa iyo ndendengemo (Masalimo 32.8). Khutu lane litegherezge mwakuti nditegherezge ku Mazghu ghinu pera ndipo mundinozge mukaghanaghaniro kane na mukayowoyero kane, ndipo mundiwezge apo ndapuruka. BaDada, mundipe chawanangwa chakamanyiro, mwakuti ndimanye kupambaniska visambizgo viweme na viheni. Mundirongore khumbiro linu kwizira mwa Mzimu Mtuba, mundipe njubi yamoyo mwakuti ndimanye kuchita khumbiro linu na mtima wane wose. Ba Dada Chiuta, Chonde mundizgore kuba wakupurika lubiro, nakuba muzito kuyowoya, wambura kukwiya lubiro (Yakobe 1.19). Mphanyi maghanoghano, maranguruko na mazgu gha kufuma pa mlomo wane vibe vyakupokelereka kwa imwe. Mundovwire kuti ndiyowoyenge unenesko winu pera mwakuti wose awo nkhuyowoya nawo basange chanduro kufumira mu unenesko winu. Nkhuromba vyose ivi mu zina lakuzirwa la Fumu yithu Yesu Khristu. 1. “Chifukwa cha viheni ivyo tajumphamo, ndingaruta kutcharichi chara.” Mwasoka, banthu banandi bakhara bakuruta ku tcharichi ndipo bakumana na vyakubinya chomene pakukumana na banthu. Nanga munthu ungakumana na vyakusuzga wuri, kureka kugowoka, kuninizika, na sanje, bina, kureka kupurikiska na kukhubara, bakukhara mwakuwa nkhumbi na kudindibara chomene. Banji bakuruta kumpingo unyake chifukwa chakupenja uko bangapokelereka mwakukondwa. Kufumira pa ivyo imwe mukumanya pasono, kasi mungamusambizga wuri munthu uyo wakujumpha muvyantheura? Mwakuti wayambe kuruta kuchisopo pamoza na banyake, chomenemene usange wakakumana na vyakupweteka kumpingo uko wakaya? 2. “Nkhugomezga chara kuti Baibulo ndi buku limoza ilo muri nkhani yimoza ya chiponosko na kuwezgereka kwa chirengiwa! Munthu wari na Chiuta muweme uyo wakumughanaghanira!” Panji mukumanya kuti Baiburo liri muvigaba vibiri, chipangano chasono na chakare, (chipangano chakare, mabuku 39, Vyamumtendeko mapaka Malakayi, ndipo chipangano chasono Mateyo mpaka Uvumbuzi, 27). Icho panji mukureka kumanya ntchakuti nanga wuri Baibulo ndi mabuku ghanandi, kwene ndi nkhani yimoza pera ya chitemwa cha Chiuta pa chirengiwa chake na banthu awo wari kubarenga. Ntchifukwa cha chitemwa chikuru cha Chiuta na kujipereka kwake uko

Kukhwaskana