Kurwa nkhondo ya Chipurikano

Chisambizgo cha chinkhonde na chimoza Ntchisko iyo tikupenja • 95

Chiuta wakukhumba kuti wakupurikana mwa Yesu Khristu wari yose wazengeke na kukhozgeka, wakure na kukhomeskeka mwa Yesu Khristu na kusambira kukuzga na kukhwimiska banyake mwa Khristu Yesu. Yesu wakukhumba kuti tose tikure mu chipurikano chithu kwizira mukutebeta kwithu mu mpingo uwo tirimo pamoza na bakupurikana banyithu. Tikuphalirika kuti tisambire kwizira mubarongozgi bithu na kukhara pamoza na bakupurikana banyithu mwakujipereka kwa yumoza na munyake mwakuti tirwe nkhondo yiweme ya chipurikano. Nthowa ya Chiuta iyo yikutirazgiska kukura mu Uzimu nja chitemwa cha banthu bampingo wa bakupurikana. Ise sono tikutorapo lwande mu nkhani ya Chiuta ya Chiponosko! Tose tiri kupasika chawanangwa mwakuti tikhozge thupi la Yesu, kurizenga, apo tikukumana sabata na sabata ngati mbatuba bake kumusopa, kusanda Mazgu gha Chiuta, mu mawupu ghachoko-ghachoko na mumpingo wose. Ulato wa Chiuta ngwakuti titemwane yumoza na munyake ngati ndi umo Yesu wari kutitimwera. Ichi ntchinthu icho tikusambira kuchita pamoza, apo tikurongozgeka na Mzimu Mtuba na kupwelereka na baliska awo Chiuta wari kutipa kuti batirongozge na kutisunga. Tikwenera kurimba-rimba kuti tibe paubwezi na bakupurikana banyithu, tibapokerere mu umoyo withu na muzinyumba mwithu, na kuchezga nawo apo tikuchiskana umoza withu. Tiri mbumba yimoza, ndipo tikwenera kukhara makora na yumoza na munyake. Mwakusazgirapo, tiri kuchemeka kuti tichiskane yumoza na munyake kuti titemwane na kurongora milimo yiweme na kukana uheni wose uwo ukutidemerera wene wuwo tikakharangamo kare apo tikaba tindazgoke. Tingamanya kurwa nkhondo yiweme ya chipurikano usange tikurwa pamoza na bakhristu banyithu awo tiri nawo pamoza muchipurikano mwakurongozgeka na barongozgi awo Chiuta wari kutipa pakati pithu awo bakutichiska, kutiwezga, na kutirongozga kwizira mu Mazgu gha Chiuta. Ndondomeko izo mungabazga mwakuti muvwirike kupurikiska kurangurukirapo pa ivyo mwasambira ndi izi: Our Declaration of Dependence: Freedom in Christ (App. 9) Fit to Represent: Multiplying Disciples of the Kingdom of God (App. 20) The Oikos Factor (App. 10)

Mwawufupi

Ndondomeko

Dango lane ilo nkhumupani ndi ili: Mutemwanenge yumoza na munyake nga ndi umo ine ndiri kumutemwerani (Yohane 13.34).

Fundo zikuru-zikuru