Kurwa nkhondo ya Chipurikano

96 • Kurwa nkhondo yiweme ya Chipurikano

Nkhani ya chiyerezgero

Bazgani na kurangurukirapo pa fundo izo zirimo, ndipo perekani mazgoro mukaghanaghaniro kinu muwudumuliro wawo pakurabiska mu Mazgu gha Chiuta agho muri kubazga muvisambizgo ivyo mwasambira. 1. “Kasi ndivyawanangwa wuri ivyo ine ndiri navyo, ndipo kasi ndingavitebeteska wuri?” Baibulo likuyowoya kuti mukhristu wari yose wari kupika chawanangwa chene icho chikumuzomerezga kutebeta mwakukhwimiska banyake (Baroma 12.3-8; 1 Bakorinto 12.4-11; Baefeso 4.9-15; 1 Petrosi 4.10-11). Vyawanagwa ivi vikwenera kutebeteskeka muthupi la Khristu, apo bakuwangana na kumusopa, kumutebetera na kutebeterana yumoza na munyake apo bakukura muchikhristu pakurongozgeka na bariska. Kasi ntchakuzirwa wuri kuti munthu watebetenge na kupwererera banyake kuruska kukwesana na kupindana chifukwa cha chawanangwa icho munthu wari nacho? 2. “Ntchifukwa wuri munthu wakwenera kunjira mumpingo na kuba yumoza wawo apo iye wakupurika waka makora kukhara waka payekha ndipo kumpingo warutengeko waka kukasopako waka?” Pakudumbirana za Mpingo pavisambizgo vyakukura mu mzimu na kuzengeka kwa bakhristu, munthu munyake wakamba ivyo iye vikamuwonekera apo wakaba mu mpingo. Wakati, “Ine nkhutemwa kuruta ku mpingo uko nkhukasopa. Nkhuchitemwa chisopo na mawupharazgi gha bariska bithu, kweniso utebeti wawo nguweme chomene. Mwawunenesko wose, nindakhumbe kukharirathu mu mpingo uwu. Nkhumanya banthu banyake awo bakutemwa kuruta waka ku Tcharichi kwene kuti mbamumpingo wura yayi. Bakusopa waka pamoza nawo kwene bakuruta chara mumarurombo ya muchigaba panji kuwutebeti wuri wose. Ivi ndivo ine nkhutemwa. Ntchifukwa wuri nkhwenera kunjira mumpingo na kuba yumoza wawo apo ine nkhutemwa waka kusopa nawo kwambura kukharirathu mu mpingo wawo?” Kufumira pa ivyo mwasambira muchisambizgo ichi, kasi mungayowoyachi kwa munthu uyu kwakuyana na kuti munthu wakwenera kuba wakukhazikika mu mpingo wake kuruska kuyangako waka pasabata? 3. “Kupanga babwezi na bakhristu ntchinthu chipusu chara” Chinthu chimoza icho chasuzga chomene banthu awo bazgoka sono, nkhuba na babwezi banyawo awo mbakhristu. Ntchakuzizwiska chomene kuwona banthu awo bari mu Mpingo kwene barije babwezi bakutemwana nawo bapamtima. Chakwamba, ubwezi ngwakukhumbikwa chomene kwene ngwakusuzga kuwupanga. Usange wa munthu ubenge na babwezi ukwenera kufwatuka kubanthu mwakutemwana nawo (Zintharika 17.17), mukwenera kuzomerezga kumanyikwa na banthu (Yohane 15.13-14), ndiposo mukwenera kujura mtima winu kupokera vyakufuma kubanthu, nanga nkhususkika, pavinthu ivyo vikukhumibkwa kuchenyeka (Zintharika. 27.6). Babwezi bakupereka