Kurwa nkhondo ya Chipurikano

Chisambizgo cha chinkhonde na chimoza Ntchisko iyo tikupenja • 97

kukhubirizgika na usambizi mwakuti tikure makora mu umoyo withu ma Yesu Khristu (Zintharika. 27.9). Kutebeteska vyawanangwa pakati pa bakupurikana kukuba ngati kunora chimayi. Ngati ndi umo chisuro chikunolera chisuro chinyake ndimoso munthu wakunolera munyake (Zintharika 27:17). Pakupasika wunenesko uwu, icho ntchakukhumbikwa chomene kwa imwe sono kuti mukure makora mu umoyo winu wa uzimu ntchakuti mukhare na ubare wankhongono na banyinu mukati mumpingo. Yesu wakukhumba kuti tikure makora chomene ngati mbakusambira bake nakutiso timanye kurwa nkhondo yiweme ya chipurikano ya mu uzimu, pa imwe mwekha chara kwene pamoza na banyinu muchipurikano. Usange muchari mundasange mpingo wakuyako na kuba yumoza na iwo, ntchiweme na chakwenerera chomene kuti musange mpingo winu na winu mwakuti mube yumoza wa iwo. Fumbani bakhristu bakukhwima mu chikhristu kuti bamusambizgeni makora na umo mungasolera mpingo. Yambani kuyako na kusopa pamoza na banyinu. Bikanipo mtima pakusopa pamoza nawo. Sangikani muvisopo vyamuchigaba kudera linu. Mungadondanga chara kwene bikanipo mtima kuti mufwase apo mukumanya banthu banandi awo mwabasanga mukati mumpingo. Tebeteskani vyawanangwa vinu kuzengera bakupurikana banyinu ndipo sambirani kufumira kwa iwo. Kweniso, penjerezgani chomene nthowa yakubamanyira baliska binu pamoza na barongozgi ba mpingo. Bakwenera kumanya kuti mukusopa nawo ndipo mwadumura kuti mube bamoza na iwo. Penjerezgani nthowa yakuti muchezgenge nawo banyinu ndipo bamumanyeni imwe kuti ndimwe banjani ndiposo mukunwekera kuba bamoza ba mpingo uwu. Purikirani visambizgo na ntchisko iyo bakumupani nyengo zose ndipo jirambikani kwa iwo chifukwa bari kupika mlimo wakumupwelererani pa urendo winu wa chisopo ngati ndi mliska wa mberere ndipo bandamupatawura pamaso pa Chiuta na umo bakusungira mbelere zake. Zomerezgani kuti barongozgi binu bamutebeterani na chitemwa pamoza na kukondwa kwambura kukhubazgika na kachitiro kinu chifukwa ichi ntchakuwezgera Nyuma mlimo wa Chiuta (Baheberi. 13.17). Pangani udumuliro wakuti mukwenera kuba bakukhoma mtima na wakupurikana muweme pamoza na banyinu. Chiuta wamupaninge uchizi apo mukuruta munthazi na chipurikano chinu. Chifukwa chakuti Yesu wari kurangurira basambiri bake kuti batemwanenge, ine nkhujipereka kuwutebeti wa mu mpingo, kugowokerana na banyane, na kujipereka kukovwira banyane pa kukura mu umoyo wawo wa Uzimu.

Kukhwaskana

Kukhozgera