Kutafsiri Biblia: Capstone Module 5 Swahili Student Workbook

/ 1 0 3

K U T A F S I R I B I B L I A

³ Tafsiri yoyote ya Biblia imetolewa ili kuimarisha ufuasi wetu katika Kristo, na kimsingi ni njia ya kufafanua kwa namna tofauti tofauti mada zinazosisitizwa katika maandiko yote, lakini zenye ujumbe mmoja . Kiini cha maadili ya Biblia katika Agano la Kale na Jipya kinajumlishwa katika kumpenda Mungu na kumpenda jirani na kutumia uhuru wetu kuwajenga wengine na kumtukuza Mungu. Sasa ni wakati wako wa kujadiliana na wanafunzi wenzako maswali yako kuhusu uelewa wako wa Mbinu ya Hatua Tatu , na kipekee namna ya kujifunza Biblia kwa utaratibu mahususi. Aina za mahusiano yaliyopo kati ya mtazamo wetu wenyewe, mbinu tuliyochagua ya kujifunza, Roho Mtakatifu, zana zetu za kujifunzia, Wakristo wengine, na viongozi wetu inahitaji uwazi na hekima. Wanazuoni, wafanyakazi wa kanisa, wachungaji na wahubiri, na walei (wasio na wadhifa katika Kanisa) kwa pamoja wametatizika na maswali yahusianayo na ufasiri wa Biblia kwa karne nyingi, na sasa ni nafasi yako ya kujiunga na mjadala huu! Tumia maswali yaliyo hapa chini ili kuanzisha safari yako ya kiutafiti kuhusu asili ya jitihada zako mwenyewe za kujifunza Biblia. * Pamoja na kuchanganyikiwa na mashaka yote yanayosababishwa na uhakiki wa kisasa wa Biblia, je, tunapaswa kuwa na mashaka katika kutumia njia yoyote, ikiwa ni pamoja na Mbinu ya Hatua Tatu kama mbinu tuliyoichagua ya kujifunza maandiko? Je, tunajuaje kwamba hata Mbinu ya Hatua Tatu haitapindishwa na kusababisha kukanushwa kwa mafundisho halisi ya imani ya Kikristo? * Tunawezaje kuwa na uhakika kwamba kutumia mbinu kama Mbinu ya Hatua Tatu si namna tu iliyoboreshwa ya kukinzana na “usitegemee akili zako mwenyewe” (Mit. 3:5-6)? * Kwa wingi wa tafiti zinazofanyika kuhusu kila mada iwezayo kufikirika na kutajwa chini ya jua, tunahakikishaje kwamba mafunuo yote tunayoyapata katika kujifunza kwetu yanakubaliana na ujumbe wa Biblia nzima? Je, tunaepukaje kujikita katika mambo yasiyo ya msingi katika kujifunza kwetu Biblia? Toa mifano halisi. * Je, viongozi wetu (yaani, maaskofu, wachungaji, washauri, viongozi wa Kikristo wanaotambulika, n.k.) wana jukumu gani katika kuchukulia tafsiri zetu binafsi kama mafundisho yenye mamlaka ya Neno? Je, tunapaswa kushikilia tafsiri ya maandiko ambayo tumeipata katika kujifunza kwetu

Kutendea kazi somo na matokeo yake kwa mwanafunzi.

2