Kutafsiri Biblia: Capstone Module 5 Swahili Student Workbook

/ 1 0 7

K U T A F S I R I B I B L I A

Mbinu ya Hatua Tatu ni mbinu fasaha ya kutafsiri Biblia iliyotengenezwa ili kutusaidia kuelewa kweli za maandiko na kuziba pengo lililopo kati ya ulimwengu wa kale na wa sasa. Mbinu ya Hatua Tatu inafafanuliwa kama “kuelewa maana iliyokusudiwa katika mazingira ya kwanza ya andiko ili tuweze kugundua kanuni za jumla za Kweli ya Neno ambazo zinaweza kutumika katika maisha yetu binafsi ndani ya uhuru wa Roho Mtakatifu.” Mbinu hii inalingana na mbinu ya historia ya sarufi katika kutafsiri maandiko, inathibitisha maana ya wazi ya andiko la Biblia, na inaheshimu umoja ujumbe wa Biblia ulioletwa kwetu kwa kutumia tanzu na miundo mbalimbali. Ujumbe mkuu wa Biblia wa wokovu katika Yesu Kristo lazima utangulie jitihada zozote za kujifunza maana za maneno, vifungu vya maneno, aya, sura, sehemu, na vitabu vya maandiko. Kila kujifunza kunahitaji roho ya unyenyekevu, bidii na umakini, na moyo wa kupenda uhuru katika Kristo tunapotafuta kubadilishwa na ujumbe wa Maandiko Matakatifu uletao uzima. Kila kujifunza Neno la Mungu huanza na kunyenyekea kwetu kwa Roho Mtakatifu, ambaye peke yake ndiye mwandishi wa maandiko na ndiye pekee anayetosha kutufundisha maana na umuhimu wa maandiko katika maisha yetu leo. Kumtegemea Roho Mtakatifu kunakuza na kuzidisha bidii yetu ya kusoma na kujifunza Neno , hata hivyo hakujakusudiwa kuwa mbadala wa juhudu na bidii hiyo ya kujifunza Biblia. Hatua za Mbinu ya Hatua Tatu ni rahisi na za wazi. Kwanza, tunachunguza yaliyomo katika andiko, tukiangazia historia ya kitabu husika, mwandishi wake na hadhira yake (wasikilizaji au wasomaji wake), madhumuni ya kuandikwa kwake, pamoja na namna kilivyotasfiriwa katika tafsiri mbalimbali. Kisha, tunagundua kanuni za jumla ambazo zinatoa muhtasari wa maarifa tuliyoyapata kuhusiana na maana ya andiko husika katika muktadha wake wa awali , na maana ya andiko hilo kwetu, katika maisha yetu leo . Hatimaye, tunatumia kanuni hizo za kiroho katika maisha yetu kwa nguvu za Roho Mtakatifu. Tunapoonyesha utiifu wa mioyo yetu kwa Mungu, tunapaswa kukumbuka mafundisho ya kawaida yanayosisitizwa katika maandiko yote ambayo ni msingi wa mapenzi yake kwa waamini wote katika Agano la Kale na Agano Jipya—kumpenda Mungu na kumpenda jirani kwa njia ya imani katika Kristo, yote kwa ajili ya utukufu wa Mungu. Kama unapenda kujifunza kwa kina baadhi ya mawazo yaliyomo katika somo hili la Hemenetiki ya Biblia: Mbinu ya Hatua Tatu, jaribu kusoma vitabu hivi: Fee, Gordon D. New Testament Exegesis: A Handbook for Students and Pastors . 3rd Ed. Louisville, KY: Westminster John Knox Press, 2002. Grenz, Stanley J., and Roger E. Olson. Who Needs Theology?: An Invitation to The Study of God . Downers Grove, IL: Intervarsity, 1996.

Mapitio ya tasnifu ya somo.

2

Nyenzo na bibliografia