Kutafsiri Biblia: Capstone Module 5 Swahili Student Workbook

/ 1 9 3

K U T A F S I R I B I B L I A

8. Zana za ufafanuzi wa kieksejesia ni nini, na zinawezaje kusaidia katika juhudi zetu za kufasiri matini za maandiko? 9. Ni kanuni gani mahususi tunayopaswa kukumbuka tunapojaribu kutumia kwa ukarimu zana za msingi zinazopatikana kwetu? Tunapaswa kuwa waangalifu kuhusu nini kila wakati tunapotumia zana hizi katika kujifunza Biblia?

Mafunzo ya Biblia: Kutumia zana za kujifunzia katika kujifunza Biblia Sehemu ya 2: Zana za ziada za kitheolojia

Mchungaji Dkt. Don L. Davis

Mbali na zana za msingi za ufasiri wa Biblia (yaani, tafsiri nzuri ya Biblia, kamusi za Kiyunani na za Kiebrania, kamusi ya Biblia, konkodansi, na vitabu vya ufafanuzi wa kieksejesia unaoaminika), kuna zana za ziada zinazoweza kuboresha uelewa wetu wa Neno la Mungu. Hizi ni pamoja na tafsiri kadhaa tofauti za Biblia, atlasi ya Biblia na kitabu cha mwongozo wa Biblia, Biblia yenye mada, kamusi ya theolojia, na vitabu vya ufafanuzi wa kitheolojia. Kila moja ya zana hizi inaangazia changamoto fulani ya tafsiri ya Biblia, yakiwemo masuala ya lugha, utamaduni, historia, na theolojia. Kama ilivyo kwa zana yoyote, ni lazima tuwe waangalifu kuzitumia kwa madhumini ya kuongeza ujuzi wetu wa maandiko, bila kukanusha au kudharau ujumbe muhimu wa Biblia inapozungumzia wokovu wetu katika Kristo Yesu. Lengo letu katika sehemu hii, Zana za ziada za kitheolojia , ni kukuwezesha kuona kwamba: • Mbali na zana za msingi za ufasiri wa Biblia (yaani, tafsiri nzuri ya Biblia, kamusi za Kiyunani na za Kiebrania, kamusi ya Biblia, konkodansi, na vitabu vya ufafanuzi wa kieksejesia unaoaminika), kuna zana za ziada zinazoweza kuboresha uelewa wetu wa Neno la Mungu. • Zana za ziada ambazo tunapaswa kujifunza jinsi ya kutuzimia ni pamoja na tafsiri kadhaa tofauti za Biblia, atlasi ya Biblia na kitabu cha mwongozo wa Biblia, Biblia yenye mada, kamusi ya theolojia, na vitabu vya ufafanuzi wa kitheolojia.

Muhtasari wa Sehemu ya 2

4