Kutanthaura Baibulo: Buku la Msambiri, Capstone Module 5 Tumbuka edition

/ 1 8 5

K U T A N T H A U R A B A I B U L O

Fundo zitatu, Ndakaturo, na Lurombo?

Chinthu chimoza pa mlimo wakutanthaura icho chikusambizgika musukulu za Mazgu gha Chiuta kose – kose ndi dango ilo likuchemeka kuti “ Dango la Vitatu” ivyo ndi “Fundo Zitatu, Maghanoghano ghatatu, Kukhubirizga kutatu” mwakovwira kuti kupharazga na kusambizga kwithu kube kwakulongosoka na kwakwenelera. Nthowa iyi kuti njakuti yitebeteskengewaka bweka kwambura kughanaghana chara, ulato wake ngwakuti upharazgi wende makora, mwakwenelera, mwakutebeteska Mazgu gha Chiuta, pakupereka chiyerezgero, na chisambizgo kufumira mu umoyo wa dazi na dazi. Mbanthu bachoko chomene awo bakukora fundo yakuti kusambizga na kupharazga kukwenera kuperekeka mwa kuphara makani, kwali nkhwizira munkhani ya Chiuta kufumira mu Baibulo, yene iyo yikufika pa umaliro wake mwa Yesu Khristu mweneuyo Chiuta wali kumutuma kwiza kalongora na kufiska nkhani yose na ulato wa Chiuta, panji kuphara nkhani zithu na zithu nga ndi umo tikukhalira dazi na dazi. Usange imwe mwanguba na mwabi kusambizga muwiro wa bapharazgi na basambizgi basono, mungabasambizga wuli pa nthowa yiweme yakapharazgiro na kasambizgiro ka Mazgu gha Chiuta. Kasi mulabiskenge chomene pa basambiri kuti basambire kusambizga, kupharazga, na kuphara nkhani, panji mubikenge lwana lwinu chomene pa kabiro na kachitiro aka mwaka pakasambizgiro na kapharazgiro ako nkha nthowa ya “Dango la Vitatu ?” Bakhristu banandi lero mbambura kumanya kalembero ka uthenga munthowa ya Uchimi. Iyi ndi nthowa yene iyo banthu bali kusurako chomene mu Baibulo, bapharazgi na basambizgi banandi bakukhumba chara kutebeteska mabuku gha Uchimi. Bakughasambizga nesi kupharazga mwakulondezga makora chara ndipo banji bakughalekerathu kughapharazga panji kughasambizga. Banji bakughawona ngati ndi mabuku agho ghakuphara vyawumaliro wa charu pera. Usange bakughatebeteska bakutoramo nkhani za umaliro wa charu. Chifukwa cha maluso agha, bakupulikana banandi bakukura mu umoyo wawo wa uzimu kwambura kusambizgika makora pa mabuku na makani gha Uchimi. Kasi bakwenera kusinthika wuli pa kaghanaghaniro, kachitiro, na vyakulondezga mwakuti bakore unenesko, umanyi wakwenelera, mwakuti bamanye kusambira na kusambizga makora Mazgu gha Uchimi mu mipingo yithu? Kasi ntchifukwa wuli kusambira na kumanya kusambizga na kugaba makora Mazgu gha kufumira mu Uchimi ntchinthu chiweme chomene na chakusintha umoyo wa banthu. Kukoreska “Uchimi”

3

3

4