Kutanthaura Baibulo: Buku la Msambiri, Capstone Module 5 Tumbuka edition

2 4 0 /

K U T A N T H A U R A B A I B U L O

mphambano ya pakati pa mdauko withu na wa mu charu cha Baibulo, balembi na banthu abo bakalembekera Baibulo. ³ Vyombo vyakwambilira vikusazgapo Baibulo lakung’anamulika makora, Lekisikoni ya muchiGiriki na muchiHeberi iyo yili na kalembekero kazitu( Strong), Dikishonare, Konkodanse, buku lakovwira kujima Baibulo ilo likulabiska pa ching’anamuro cha chigaba panji chipaturo cha Baibulo. ³ Baibulo likalembeka muviyowoyero vitatu (chiHeberi, chiAramaik, na chiGiriki), ntheura tikukhumbikwa kung’anamulira kuweme kwa Mazgu gha Chiuta mu chiyowoyero chithu na chithu. Kung’anamulira nkhwakusuzga chomene , chomene – chomene chifukwa cha mphambano ya viyowoyero, mdauko, mphambano pa miwiro na mgonezi, kweniso mphambano pakati pa kaghanaghaniro na fundo izo bakung’namulira bakwimapo. ³ Konkodanse yikulemba mazgu ghose gha muBaibulo, apo ghakusangika, mwamundanda wake na kupereka ching’anamuro chake na katebeteskero kake mu vesi lili lose muBaibulo. Dikishonare lakupereka ungweru likusazgirako kulongosora na kuphara ubare uwo wuli pakati pa ching’anamuro cha mazgu na visambizgo vya Baibulo. ³ Dikishonare la Baibulo, likupereka mbiri, maro, mdauko, sayansi, na visambizgo na umanyi pa banthu na umo bakakhaliranga pa malo, vinyama na vinthu ivyo vikasangikanga mu Baibulo na umanyi mwaufupi pa buku lili lose la mu Baibulo. ³ Komentare la kujima Baibulo, ndi buku ilo likupereka fundo zakufumira munkhwantha pa ivyo mazgu ghakung’anamura nga ndi umo ghakalembekera mu Mtendeko, kusazgirapo kalembero, ching’anamuro cha Mazgu, ivyo vikasangika mukufufuza kwa Mazgu gha Chiuta, mbiri na vyakuchitika pa mdauko ivyo vingaba na nkhongono pa katanthauliro ka Mazgu gha Chiuta. ³ Palije kanthu kuti mukutebeteska vyombo wuli, tikwenera kutebeteska mwakwenelera, kweniso mwakughanaghana makora mwakuti timanye kusanga mazgoro ghaweme pakusanga ching’anamuro cheneko cha Mazgu gha Chiuta apo tikulabiskaso kuzirwa kwake kwa Mazgu gha Chiuta. ³ Vyombo vyakusazgikirako ivyo tikwenera kusambira kuvitebeteska vikukhwaskakoso maBaibulo ghakutanthaurika makora, Atlasi, Konkodanse, Dikishonare na makomentare.

4