Kutanthaura Baibulo: Buku la Msambiri, Capstone Module 5 Tumbuka edition

/ 2 4 1

K U T A N T H A U R A B A I B U L O

³ Mabuku ghakupereka Ching’anamuro ghakulabiska pa ubare uwo ukusangika pamazgu ghakupambana – pambana na vipaturo ivyo vikuyana pakatebeteskero ka lizgu panji vesi (mwachiyerezgero, maBaibulo agho ghakulongora mitu, kuyaniska kwa Mazgu, kulondezga na kupereka ching’anamuro cha Mazgu na Konkondansi). Vyombo ivi vikwenera ku kutebeteskeka na lwana lose mwakuti tileke kusangika kuti tikumbanizga ching’anamuro cha mazgu. ³ Vyombo ivyo tikutebeteska pakusanga mbiri ya mabuku gha Baibulo, Mdauko, vyakuchitika na makhaliro gha banthu, vikwenera kubazgika makora na mwaluso chomene mwakuti timanye kupambaniska mbiri na kutanthaura kwakwenelera kwa Mazgu gha Chiuta ³ Mabuku ghanyake, maBaibulo gha kulongosora mwakutambasura Mazgu gha Chiuta agho ghakupereka ching’anamuro na kukonkhoska Mazgu pakupereka mbiri ya buku, wakulemba, malo agho likalembekera, nyengo iyo likalembekera na vinyake vyantheura, ghakwenera kubazgika na lwana lose mwakuti timanye kupambaniska pakati pa kughanaghana kwa mlembi na ching’anamuro cheneko cha Baibulo. ³ Komentare yikovwira pakutanthaura na kupereka ching’anamuro pa Mazgu gha Chiuta pa buku lili lose kufumira pakalabiskiro ka Mliska, Msambiri, panji wakutanthaura. Pali mitundu yinayi ya makomentare: ghakukuzga umoyo wa uzimu, ghakukuzga umanyi pa visambizgo vya chiKhristu, ghakovwira pakujima Mazgu gha Chiuta na ghakovwira pakupanga upharazgi na visambizgo. Nanga wuli mabuku agha ngakovwira chomene, pakupulikiska Mazgu gha Chiuta, tikwenera kufikapo chomene nkhanira kuti ngakunjira mumalo mwa Baibulo chara. ³ Tikutebeteska mwakwenelera mabuku na vyakovwira ivi usange tikughatebeteska pakujara mphambano iyo yili pakati pa charu chakare na chasono: charu icho Baibulo likalembekeramo na charu chasono. Tikwenera kupokera maghanoghano gha balembi chara usange ghakupambana na ivyo Baibulo likuyowoya pa chili chose, kusazgiraposo ivyo likuyowoya na umoyo, mlimo na kabiro ka Yesu Khristu.

4