Kutanthaura Baibulo, Buku la Msambizgi, Capstone Module 5, Tumbuka edition

2 1 6 /

K U T A N T H A U R A B A I B U L O

VI. Dikishonare liweme la Babulo

A. Ching’anamuro

1. Dikishonare la Baibulo likuphara mbiri, uko vikachitikira, mdauko, sayansi, na visambizgo na vigomezgo vya banthu awo bakapokera makani agha, malo, vinyama ivyo vikabako, vyakuchitika na vinthu vyakuwoneka ivyo vikusangika mu Baibulo.

2. Lili na mndandanda wa buku lili lose la mu Baibulo (mwachiyerezgero buku la Baroma) leneliro kanandi likuphara umo buku likalembekera, chaka icho likalembekera, uyo wakalemba, na banthu awo bakalembekera ndipo likulongora mbiri na mdauko wa banthu, makani agho ngakuzirwa chomene pakovwira banthu kuti bapulikiske ivyo mlembi wakakhumbanga kuti banthu bapulike na kumanya.

B. Katebeteskero cha Dikishonare

1. Makani gha kwamba na uthenga wake : apa ndipo pakwambira kuti uyo wakalemba wamanyikwe, chilimika icho buku likalembekera, na ulato wa mlembi na banthu awo bakapokelera makani agha.

4

2. Mazgu gha kuyimira banthu ghanandi (banthu, maro, panji vinthu) agho mukukumana nagho apo mukubazga Malemba panji mavesi mungaghasanga mu Dikishonare mwakuti musange ungweru paching’anamuro na icho ghakaba, panji umo ghakagwiriskikiranga ntchito munyengo ya Baibulo.

C. Kasankhiro ka chakutebeteskera: Buku la The New Bible Dictionary (Eerdmans Publishing Co.)