Kutanthaura Baibulo, Buku la Msambizgi, Capstone Module 5, Tumbuka edition

/ 2 2 1

K U T A N T H A U R A B A I B U L O

zose tikwenera kumanya kuti balembi ba mabuku na bakughasanda, bangamanya kupereka maghanoghano agho ngakusuzga kughavikilira panji kughataska pa suskano. • Vyombo vinyake vikupereka jando la mbiri, mdauko, maluso ghabanthu, kachitiro ka banthu pa vyakuchitika vyakupambna – pambana na umo charu chikabira lilo mwaka, ndipo ivi vikusazgirapo, Baibulo la kung’anamulika makora, Griki na chiHeberi, Lekiskon, Dikishonare la Baibulo, Konkodanse, na mabuku ghakulongosora ching’anamuro cha mazgu. Vyombo ivi vingapereka kumanya kwakuzukumiska chomenemucharu cha vyakulembeka vya Baibulo, kwene tikwenera kuba bakuchenjera chomene pakubazga mwakuti timanye kupambaniska pakati pa vyakulembeka ivyo vikurondezga mbiri na ivyo vikulondezga kutanthaula kwizira mu urunji wa ivyo vili kulembeka (malemba pa igho ghene). • Vyombo vinyake ndi vyakwenelera chomene pakusanga vyakukhumbikwa pa mbiri na makani gha mlembi, nyengo iyo buku likalembekera, na vinthu ivyo vikachitikanga apo buku likalembekanga panji munyengo iyo vinthu vikachitikiranga kweniso na kachitikiro ka maluso na nkharo ya banthu na kabiro ka malemba (vimanyikwiro, vinthanguni, kuyowoya mwakubiskirizga). Vyombo ivi vikusazgako Baibulo, mabuku ghakulongosora vyakubisirizgika na kayowoyero ka vinthanguni. Tikwenera kuchitamwalwana na kuchenjera chomene umo tikutebeteskera vyombo ivi mwakuti tileke kusangika kuti tikuwindana na ching’anamuro chakwenelera na cha unenesko. Tingamanya kukoreska ivyo balembi bakuyowoya kuluska ivyo Malemba ghakuphara. • Komentare ndi mabuku ghakovwira kusanga ching’anamuro cha ivyo mlembi wali kulemba kufimira pa kalabiskiro ka mliska,, msambiri, panji wakung’anamulira Mazgu gha Chiuta. Pali mitundu yinayi ya makomentare agho ngakovwira pakupereka ching’anamuro cha Mazgu: ghakovwira munthu kukura mu umoyo wa uzimu, ghavisambizgo pa kusanda Mazgu, ghakujimira Mazgu, na ghakovwira pa kupharazga (agha ghali kunozgekera bapharazgi na basambizgi ba Mazgu). Nanga wuli komentare ndakovwira chomene pakusanga ching’anamuro cha Mazgu gha Chiuta, tikwenera kughabika mabuku agha panthazi kujumpha ivyo ise tikuwona mumalemba chara. • Tikutebeteska makora vyombo ivi usange tikuvitebeteskera kuti tijare mphambano iyo yili pakati pa charu chithu na charu icho chikabako

4