Kutanthaura Baibulo, Buku la Msambizgi, Capstone Module 5, Tumbuka edition

/ 2 9 1

K U T A N T H A U R A B A I B U L O

Vyakuyowoya Mwakubisirizga

Kujumphizga (Hyperbole)

Kuyowoya mwakusazgirako mwakujimphiska chomene na ulato wakukhumba kuwoneska ukuru, uheni panji uweme wa chinthu. Mwachiyerezgero, ” mubare mukaba chiduri cha sima” Chiduri chingaba mumbare yayi, kwene uku nkhukhumba kuphara kuti unandi wa sima ukajumphizga na umo banthu bakaghanaghanira. Yobe mu urwirwi wake wakuyowoya mwakujumphizga. Wakaphara ivyo wakajumphangamo ndipo wakalongora kupwetekeka uko wakapulikanga. Ndipo sono ndakweŵezuka chomene, mazuŵa gha visuzgo ghandikora. 17Viwangwa vyane vikuŵinya usiku, kuŵinya kwa kuchita kugwaza kuti kukureka chara. 18Nkhongono gha matenda ghananga malaya ghane, ghakundijara nga ndi singo ya malaya. 19Chiuta wali kunditaya ine mu mathipa, ndipo ndazgoka nga ndi fuvu na vyoto. 20 Ine nkhulirira kwa imwe, mwe Chiuta, kweni kuti mukundizgora chara, nkhwimilira na kuŵeyerera, kweni kuti ukulorako chara. 21 Mwazgoka kuŵa ŵankhaza kwa ine, mwandisuzga na woko linu lankhongono. 22 Mwandinyamulira muchanya na kundiŵika pa mphepo, mukundiponya uku na uku mu chimphupuru. 23 Nadi, nkhumanya kuti munditorere ku nyifwa, ku malo uko kuli kunozgekera ŵamoyo wose. 24“Ndipouli munthu uyo wali mu visuzgo asi wakuwuska woko lakhe, ndipo para wali mu viphyo, asi wakulira kuti wovwirike? 25 Asi ine nkhalira nawo awo ŵakaŵa mu visuzgo? Yobe 30.16-23 Mwakufikapo chomene tikusanga makani gha kukwebeka kukuru chomene kufumira mukuyowoya kwa Yobe kwizira mukayowoyero kakuzga mwakubenuska mukayowoyero. Mpostole Yohane mu chipangano chasono, wakutebeteska kayowoyero kakujumphizga mukuyowoya uku, “25 Kweni viliposo vinyakhe vinandi ivyo Yesu wakachita. Usange vyose vilembekenge, nkhupima kuti mphanyi charu ichochene changuŵavye malo ghakuŵikamo mabuku agho ghati ghalembekenge.” (Yohane 21:25). Usange tingatora uChiuta wa Yesu Khristu, tingamanya kuyowoya kuti ndimo viliri nadi kuti mbiri na milimo yake vili kwandana chomene mucharu kwene usange tingatora vyakulembeka vyeneko pa mlimo wake, tiwonenge kuti charu chingazura na vyakulembeka chara. Kayowoyero aka nkhakujumphizga waka mwakuti na ulato wakudidimizga fundo.