Kutanthaura Baibulo, Buku la Msambizgi, Capstone Module 5, Tumbuka edition

2 9 2 /

K U T A N T H A U R A B A I B U L O

Vyakuyowoya Mwakubisirizga

Wunthu (Personification)

Kuyowoya vinthu vyambura umoyo na kuvilongora kuba na umoyo na wunthu. Mu Kupenda 16:32,”. . . Na kuŵamira wose pamoza na ŵa mbumba zawo zose pamoza na katundu wawo yose na ŵanthu wose awo ŵakarondezga Kora pamoza na vyuma vyawo vyose..” Apa charu chikuyowoyeka ngati kuti chili na mulomo wakumilimitizgira banthu. Yesu wakatebeteskanga wunthu mu mazgu agha, ““We Yerusalemu, Yerusalemu! Ukukoma nchimi na kuŵadina na mawe awo ŵakatumika kwa iwe! Kasi nkhalinga ako mphanyi nkhawunganya ŵana ŵako pamoza nga ndi umo nyatazi wakuwunganyira twana twakhe kusi ku mapapindo ghakhe, kweni iwe ukukana!” (Mateyo 23:37). Msumba wa Yerusalemu ukapika wunthu. Fumu yithu khumbiro lake likaba pa banthu, kwene yikuphalira makani ku Yerusalemu ngati kuti ndiyo ndi munthu. Kweniso, Fumu yithu yikuyowoyaso makani agha, “Ntheura rekani kwenjerwa na vya na machero chifukwa zuŵa la machero liti lijenjerwerenge lekha. Zuŵa lirilose liri na suzgo lakhe lakukwanira.” (Matt. 6:34). Apa machero likuyowoyeka ngati kuti ndi munthu mweneuyo wakwenjerwa Apa munthu wakujiyowoyeska yekha ngati kuti wakaphalira munthu munyake makani.Mwachiyerezgero, FumuDavidewakaliriramwanawakeAbsalomuwakati, Ndipo karonga wakaŵa na chitima chikuru chomene ndipo wakaruta ku chipinda cha pachanya icho chikaŵa pa chipata na kulira. Apo wakarutanga wakaliranga kuti, “Mwana wane Abisalomu, mwana wane, mwana wane Abisalomu! Mphanyi ndangufwa ndine mu malo mwa iwe, we Abisalomu, mwana wane, mwana wane.” (2 Samuele 18:33). Fumu apa yikalira mwakujiyowoyeska ngati kuti yikuyowoya na mwana wake Absalomu na kukhutura chitima chose. Paliso kayowoyero aka apo mafumu ghacharu ghakuyowoya na msumba ukuru mu buku la Uvumbuzi 18:10 “Iwo ŵamkwimilira kutali chifukwa cha kofyeka na kutambuzgika kwakhe. Ndipo ŵamkuyowoya kuti, “Soka mwe! Soka mwe! Iwe msumba ukuru! Iwe Babuloni, msumba wankhongono! Mu ora limoza pera, kweruzgika kwako kwafika!” Kajiyowoyere (Apostrophe)