Kutanthaura Baibulo, Buku la Msambizgi, Capstone Module 5, Tumbuka edition

/ 2 9 3

K U T A N T H A U R A B A I B U L O

Vyakuyowoya Mwakubisirizga

Kayowoyero aka kakulongora makora chomene pa kulongora ivyo vili mukati mwa munthu. Mwantheura nkhayowoyero kakuwuska nkhumbi na njara yakukhumba kupulika

Kwimira (Synechdoche)

Chinthu chimoza chikwimira vinthu vinandi. Mwachiyerezgero, “Iyi ndi nyengo yake” apa nyengo kuti tikung’anamura nyengo nga ndi ya pa nkholoko pera chara kwene yingaba nyengo yachilimika, dazi, mwezi panji yafikapo yakuchitira vinthu. Kweniso mu Baibulo muli makani agha, “Yefuta wakaŵa mweruzgi wa ŵaIsraele virimika vinkhonde na chimoza. Pamanyuma pakhe Yefuta uyo wakaŵa muGileyadi, wakafwa ndipo wakasungika mu msumba wakhe wa Mizipa ku Gileyadi. Beruzgi 12:7. Msumba wa Gileyadi ukwimira misumba yinandi ya chigaba chose cha charu cha baYuda. Mu buku la Luka 2:1 “Mu mazuŵa ghara, Karonga Augusto wakafumiska languro lakuti ŵanthu wose ŵa mu charu chose ŵapendeke na kulembeka. Charu chose chikwimira charu cha Baroma pera kwene apa chayowoyeka ngati kuti charu chose chapasi chikaruta kukalembeska. Marango gha Chibiri 32:41 “Para ndanora lupanga lwane lakung’azima, ndipo ine ndalukora kupereka weruzgi wakunyoroka, nkhuwezgera nduzga pa ŵarwani ŵane, ndipo nditi ndiŵalange awo ŵakunditinkha. Lupanga lukwimira cheruzgo cha Chiuta pa banthu awo bakumutinkha. Pasono tawona umo kayowoyero kakubisirizga kakovwilira kupereka makani mu Baibulo.