Kutanthaura Baibulo, Buku la Msambizgi, Capstone Module 5, Tumbuka edition

/ 3 4 1

K U T A N T H A U R A B A I B U L O

Kuthutirika kwa Baibulo Chiyambi na Mazaza gha Baibulo

V y a k u l e m b a v y a m s a m b i z g i 1

Tikumpokelerani ku ulongozgi wa Msambizgi, chisambizgo chakwamba, Kutanthaura Baibulo: Chiyambi na Mazaza gha Baibulo . Ulato wa chisambizgo ichi chakutanthaura Baibulo ngwakuti basambiri binu bamanye ndipo babe na luso lakutanthaura Baibulo. Kweniso bamanye kukoleranako na Mzimu Mtuba, mweneuyo ndimweneko na Jando la Mazgu gha Chiuta pakuti ndiyo wali kughathutira na wakupereka ungweru kubanthu mwakuti baghapulikiske. Palije munthu uyo wangamanya kughapulikiska Mazgu gha Chiuta kwambura kulongozgeka na Mzimu Mtuba (1 Bakor. 2.9-16). Kwene, pakuba batebeti ba Chiuta, awo bakwenera kukhozgeka soni chara kwene nga ndi awo bakupenjerezga kukhozgeka na Chiuta, tikutumika na mazaza ghakuti tikwenera kughagaba Mazgu gha Chiuta mwakwenelera (2 Tim. 2.15). Kwizira mukubikapo mtima kwithu, nthowa zithu zakwenelera, na vyombo ivyo tikutebeteska kufumira ku nkhwantha zithu, tingamanya kuchita makora pa mlimo uwu wakutanthaura Mazgu gha Chiuta ku awo bakutipulikizga (1 Tim. 4.15-16). Muchisambizgo ichi, tikulabiska chomene pa Kuthutirika kwa Mazgu gha Chiuta, kukhozgeka kwake na kulongozgeka kwithu na Mzimu Mtuba. Kwizira muwukajiyimire wake na kutebeta kwake mwa Uchizi, Mzimu Mtuba wakalongozgera balembi ba Baibulo kuti balembe mazgu, maghanoghano, fundo, na vinthu ivyo wakakhumbanga kuti balembe, na kubapa mwabi wakulemba muluso, nthowa, na machitiro ghawo mwakuti bapereke uthenga nga ndi umo Chiuta wakakhumbira kuti baupelekere. Pakatikati pa mlimo wose wa kutanthaura Baibulo wagona pa uChiuta wake na nkhongono zake; ichi, kwakuyana na ukaboni wa Baibulo palekha, ndi mlimo wa Mzimu Mtuba. Gerald Hawthorne mwaluso na lwana lose pa makani ghakuthutirika na kuphakazgika kwa Mzimu Mtuba, wakuyowoya kuti: Mu Chipangano chakare, Mazgu agho balembi bakawerezganga nyengo zose apo bakwamba kupereka uthenga wawo ghakaba ghakuti, “Yikuti Fumu” (Jer. 9.23, passim), “Fumu yayowoya” (Yesa. 1.2, passim), “Pulikani lizgu la Fumu” (Yesa. 1.10, passim), “Mazgu gha Fumu ghakiza kwa ine ghakati,” (Ezek. 33.1, passim),. Kwamba kwantheura kukaba na ulato wakupanikizgira banthu uthenga uwo ukiza kwa iwo, kwizira mukulemba panji mukuyowoya, ukafumira kwa Chiuta, kwamunthu chara kwene kwa Chiuta mweneko. Lizgu la Ntchimi likaba lizgu la Chiuta ndipo likenera kupokelereka mwantheura.

 1 Page 17 Jando la chisambizgo