Kutanthaura Baibulo, Buku la Msambizgi, Capstone Module 5, Tumbuka edition

3 4 2 /

K U T A N T H A U R A B A I B U L O

Muchipangano chasono kayowoyero ka muchipangano chakare kali kusinthika na kuyowoya kwakuti, “Mzimu Mtuba wakati,”. Balembi ba mabuku ghithu bakawonanga Mzimu Mtuba kuba mweneko wa nkhongono zose na wakututuzga banthu, kubaphakazga, kukhozga na kupanikizgira uthenga wawo, na nkhongono zake nga ndi Mazgu ghapadera, ghankhongono na ghamazaza. Wonani na umo Petrosi wakayowoyera kuba sambiri bara 120 apo Yesu wakati wauka, pakumukwezga Yesu: “Mwa ŵanyane, chikaŵa chakwenelera kuti malembo ghafiskike gheneagho Mzimu Mutuŵa wakayowoyerathu mwa Davide, pakuchima vya Yudasi, uyo wakaŵa murongozgi wa awo ŵakamukora Yesu (Milimo 1.16). Mazgu agha gha Petrosi ghakupereka ungweru ukuru chomene pa ivyo bakhristu bakagomezganga pa ivyo chipangano chakare chikayowoyanga ku bakupulikana; MzimuMtuba wakayowoyanga kwizira mu banthu, nga ndi Davide, mwakuti ivyo vikaba mu Chipangano chakare ghakaba Mazgu gha Chiuta, Lizgu la Mzimu wa Chiuta. (Labiskani pa Mlimo 4.25; 28.25; Baheberi 3.7; 9.8; 10.15;). Kayowoyero ka mlembi wa 2 Petr 1.20–21 ngakukhalira ukaboni pa makani agha, Pakudanga pa vyose mukwenera kumanya ichi kuti, palije uchimi wa malembo uwo munthu wangamanya kutanthaura pa iyo yekha, 21 Chifukwa palije uchimi uwo ukiza na khumbo la munthu, kweni ŵanthu ŵakayowoya mazgu gha Chiuta para ŵakakhuŵirizgika na Mzimu Mutuŵa. Muli mose umo munthu wangaghatanthaulira Mazgu agha, chakuzirwa chomene ntchakuti Zintchimi kuti zikayowoyanga vinthu vyakufumira kwa iwo chara kwene kufumira kwa Chiuta, kwizira mukututuzgika na kuphakazgika na Mzimu Mtuba ndipo bakayowoyanga nga mbakutumika na Chiuta mwakukhubirizgika na Mzimu Mtuba. (Bauckham, 234; cf. Philo Rer. Div. Her. 259; Philo Vit. Mos. 1.281, 286). Ukaboni ukuru chomene wakufumira ku mpingo wakare pa Chipangano chakare ukaba wakuti, banthu awo bakalemba na kuyowoya Mazgu agha, bakaghalemba kwizira mukututuzgika na kuphakazgika na Mzimu Mtuba ndipo bakalemba mumalo mwa Chiuta. Chiuta wakuyowoya kubanthu bake kwizira mwa Davide, Yesaya, Yeremiya, na banji mwakutumika na Mzimu Mtuba (Mlimo 4.25). kweni kasi tingayowoyachi pa chipangano chasono? Luka wakamanya makora nkhanira kuti Mzimu Mtuba wakaba wachari kuyowoyera mu Bapostole (Mlimo 13.2; 20.23), ndipo mlembi wa buku la Baheberi wakuyowoya na Mzimu Mtuba kuti chihema na vyose vyamkati mwake, muchipangano chakare, kuti ndivyo vikaba vyakuphakazgika pera chara kweni kutiso Mzimu Mtuba wakaba wachali kuyowoya – munyengo