Kutanthaura Baibulo, Buku la Msambizgi, Capstone Module 5, Tumbuka edition

/ 3 4 3

K U T A N T H A U R A B A I B U L O

yake iye mlembi – nakulongora kuti nthowa yakunjilira mumalo ghatuba najkujara usange chihema chakare chichalipo (Baheb 9.8). Klementi wakuyowoya mwachikanga chomene pakulongora kuti bapostole bakukumana na zintchimi za muchipangano chakare pakupokera kufumira kwa Mzimu. Wakuyowoya kuti, “iwo nga ndi umo bakapokelera kufumira kwa Mzimu Mtuba ndipo bakaba nacho chididimizgo cha Chiuta pakulemba ivyo bakalembanga . . . wakapanikizgira kuti Mzimu Mtuba wakupereka kupharazga uthenga uweme” (1 Clem. 42.3). Ndipo pa makani gha Paulosi wakulemba wakuti, “Na kuphakazga kwakwenelera na kwakufikapo (ep’ aletheias pneumatikos) wali kumutumani kwakuyana na iyo mweneko na Petrosi na Apollo” (1 Clem. 47.3). kufumira muvyakulemba ivi, ntchamachitiko na chamapokelereko kuyowoya kuti Mzimu Mtuba wakaba wachali kuyowoya munyengo ya Bapostole, kuthutira banthu ba Chiuta kuti babe banthu bakuyowoyeramo Chiuta ku banthu bamucharu. ~ Gerald F. Hawthorne. “The Holy Spirit.” Dictionary of the Later New Testament and its Developments (electronic ed.). R. P. Martin, ed. Downers Grove: InterVarsity Press, 2000. Muchisambizgo chose ichi tikukhumba kudidimizga fundo yakuti, ukuru na nkhongono za Mzimu Mtuba kulongozga ise, kutiphalira vyakuchita pa kutebeteska Mazgu gha Chiuta, kwambira mu unenesko, pakuti iye ndiyo mlembi na jando la Mazgu gha Chiuta muchisambizgo chose ichi. Ulato uwo talemba pasi apa kukukonkhoska makani agha, ndipo ntchakuzirwa chomene kuti imwe mudidimizge fundo iyi luta – luta. Pharani ulato wa visambizgo mwakupulikikwa makora ndipo muwerezgeposo mwakanandi mwakuti basambiri bapulikiske makora. Apo mukudidimizga fundo izi, na apo mukudumbirana, mukuzgora mafumbo na vilingwa, na kusambira kose ukomuchitenge, mukhozgenge fundo iyi pakubikapo mtima pa fundo yakuti: Kuphakazga kwa Mzimu Mtuba na ulongozgi wake ndicho ntchinthu chakuzirwa chomene pakupulikizga na kupulikiska kwithu Mazgu gha Chiuta na kughatebeteska ntchito mwakugomezgeka makora pa umoyo withu. Mwa unenesko wose, usange mungapereka ungweru mu kalasi pa ulato wa visambizgo ivi, pabenge mwabi unandi chomene kuti basambiri bapulikiske ulato wa visambizgo ivi.