Kutanthaura Baibulo, Buku la Msambizgi, Capstone Module 5, Tumbuka edition

3 4 4 /

K U T A N T H A U R A B A I B U L O

Visambizgo vya wupu wa Capstone vili kwimilira pa ulato uwo takhara tikuyowoya mwakuwerezga werezga. Kukwaniriska kwinu kubikapo lwana na mtima winu wose pa ulato wa visambizgo ivi vipangiskenge kuti basambiri bamanye kuchita makora mukusambira kwawo Mwantheura, ntchakwenelera chomene kuti imwe nga ndi msambizgi mukwenera kumanya makora chomene ulato wa visambizgo ivi. Sangani nthowa na umo mungapelekera ungweru pa fundo izi kubasambiri nyengo zose. Chisopo ichi chikuyima pa fundo yakuti kupereka unenesko wa Chiuta pa kugomezgeka kwake nga ndi umo kuli kulembekera mu Baibulo. Chifukwa chakuti Chiuta withu, Dada, Mwana, na Mzimu Mtuba ngwakugomezgeka, tingamanya kugomezga Mazgu ghake. Ntchakuzirwa chomene kuti tileke kupatura ivyo Mazgu gha Chiuta ghakuyowoya na ivyo iye mweneko Chiuta wali. Nga ndi kaboni wa unenesko (Uvumbuzi 19.11), weruzgi wake wa urunji ngwa unenesko (Uvumbuzi 19.2) kweniso mazgu gha ukaboni wake pa mlimo wake na ulato wake (Uvumbuzi 21.5; 22.6). Kuti mupulikiske Mazgu gha Chiuta pakukhumbikwa kumanya kuti mwa Chiuta mulije utesi, upusikizgi, uryarya. Mazgu ghake ngakufikapo chifukwa iye ngwakugomezgeka na wa unenesko mwakufikapo. Kumumanya Chiuta mwantheura ndicho chifukwa icho tikukhumbira kusambira Mazgu gha Chiuta, na kutiso ndicho chifukwaso ghakutipanga kuba bavinjeru na mahara kuchiponosko cha Chiuta mwa Yesu Khristu. Malayizgo ghake ngakuzirwa chomene na ghakwenelera kuti ise tighasunge na kughagomezga chifukwa ngakugomezgeka (Baheb 10.23). Tingamanya na chikanga chose kuphara zakwananga zithu kwakuyana na Mazgu ghake, chifukwa iye ngwamagomezgeko kutigowokera ise (1 Yohane 1.9). Tikugomezga mwakufikapo chomene kuti Yesu wakwizaso ndipo tizamkusinthikirathu pakwiza kwake (1 Batesalonika 5.23-24). Kuti tiwone ubare uwu wa Chiuta munthu na wumyirayira wake, mazgu ghake ghakugomezgeka ndiwo ndi ntchindamira ya chisopo chithu chose (2 Batesalonika 3.3), ghakutisungilira munyengo zakuyezgeka na masuzgo (1 Bakor. 10.13), ndipo kuti watilekengepo chara nanga ndi munyengo izo tikuleka kupulikiska makora ivyo vikuchitika (2 Tim. 2.13).

 2 Page 17 Ulato wa Visambizgo

 3 Page 18 Chisopo