Kutanthaura Baibulo, Buku la Msambizgi, Capstone Module 5, Tumbuka edition

/ 3 6 1

K U T A N T H A U R A B A I B U L O

E. J. Schnabel wakuyowoya pa vyakuzirwa kwa visambizgo vya Mazgu gha Chiuta wakuti: Padera pakusanga unenesko wa Mazgu gha Chiuta kwizira mukusambira Mazgu gha Chiuta na vya uChiuta, kughabazga na kughasanda nga ndi umo bakuchitira banthu mumpingo na mumawupu kukwiziska umanyi ukuru chomene. Banthu banandi bali na lwana na khumbiro likuru chomene pakumanya malo, vyakuchitika, midauko, maluso na nkharo ya banthu ba mu Baibulo. Banji bakukhumbaso chomene kumanya katanthauliro ka Mazgu gha Chiuta pabekha. Banthu bakupulikana bakukhumbisiska kumanya na umo Chiuta wakuchitira na banthu nga ndi umo wakachitiranga na banthu lilo mwaka. ~ E. J. Schnabel. “Scripture.” New Dictionary of Biblical Theology. T. D. Alexander, ed. (electronic ed.). Downers Grove, IL: InterVarsity Press, 2001. Apa munyithu Schnabel wakukakilira chipulikano chithu kukusanga na kumanya unenesko wa mu Mazgu gha Chiuta. Nga ndi umo wakuyowoyera, tili bakubikapo mtima pa kuba banthu bakupulikira Chiuta; chipulikano chithu cheneko na chigomezgo chithu vikukholera pa kumanya makora ukaboni wa Mazgu gha Chiuta. Mwantheura, ntchakwenelera kwa mkhristu wali yose kupulikiska na kukuzga kukhara kwake mu Mazgu gha Chiuta. Suzgo likuru ilo lili apa ndakuti kasi tili bakunwekera kukhozgera icho Mazgu ghakuyowoya panji tili na mtafu na kuleka kukhumba kuzomerezga. Chiuta kwizira mwa Luka wakulongora vinjeru ivyo vikaba ma bina Bereya apo bakapulikanga na kuluta kukabazga pabekha icho Chiuta wakayowoyanga kwizira mu ukaboni wa Paulosi na Sira. Kumbuskani basambiri binu na mlimo wawo wakupatulika pakukhara umoyo wawo wa ntchemo yawo pakuba bana ba Chiuta, bana ba Abraham na kukhara nga mbanthu bakupulikana.