Kutanthaura Baibulo, Buku la Msambizgi, Capstone Module 5, Tumbuka edition

3 6 0 /

K U T A N T H A U R A B A I B U L O

Pakulabiska vyose makora, usange tikukhumba kusanga chanduro chikuru pa kutebeteska ndondomeko ya nthowa zitatu pakutanthaura Mazgu gha Chiuta, tikwenera kudumura kulondezga makora sitepu yakwamba: kupulikiska umo vinthu vikabira pa kwamba. Mlimo uwu, kuti ngupusu chara; vilimika vikwi – vikwi vyajumphapo kufumira apo mabuku ghakalembeka, balembi ba mabuku, ndipo ghali kulembeka mu chiyowoyero icho ntchithu chara ndipo vikuyowoyekaso nga ndi umo vikayowoyekeranga chara nanga ndi umo vikalembekera. Kabiro ka chiyowoyero, mdauko wa banthu, na mbiri ndi vyachilendo chomene kwa ise, kweniso machitiro gha banthu bakare awo bakaghapokera Mazgu gha Chiuta bakuwoneka kuti machitiro ghawo ngambura kupulikiskika kwa ise kuno kulero. Ntheura pakukhumbikwa lwana lose kufumira kwa ise pa kubazga na kusanda Mazgu gha Chiuta na ivyo vikughazingirizga mwakuti timanye kupulikiska na kusanga chanduro mwakufikapo. Tikwenera kupenjerezga chomene umo malemba ghakabira na ching’anamuro ku banthu awo bakaghapokelera ka kwamba na umo ghakalembekera. Charu umo chikabira munyengo yawo, vinthu umo vikenderanga, banthu umo bakakhaliranga na umo bakasoperanga ndivyo ndi vinthu ivyo tikwenera kupenjeseska kupulikiska mwakuti tisande makora malemba. Kuti mumanye kovwira basambiri mwakwenelera, mukwenera kukhara pafupi chomene na ulato wa chisambizgo na kupulikiska makora umo vyombo vikutebeteskekera pa kupenjerezga ching’anamuro na kutanthaura Mazgu gha Chiuta. Chisopo ichi ulato wake ngwakulabiska pakuba wakwamba pakufufuza Mazgu gha Chiuta nga ndi msambiri wa Mazgu gha Chiuta. Nga mbasambiri, tingazomerezga chara wali yose panji wupu wuli wose kuti watore mlimo wakughanaghana na kupulikana mumalo mwa ise. Kwambura kudonda kuli kose, mkhristu wali yose wali na mlimo ukuru chomene wakusanda chipulikano chawo kwakuyana na ivyo Mazgu gha Chiuta ghakuyowoya. Nanga wuli mbakupulikana wose chara awo bali kuchemekera kukuba nkhwantha za Mazgu gha Chiuta, basambizi, panji bapharazgi ba Mazgu gha Chiuta, unenesko ngwakuti mkhristu wali yose ngwakupulikana ndipo wali na fundo izo wakuyimapo na kujinthapo chipulikano chake.

 2 Page 194 Chisopo