Misingi ya Utume wa Kikristo, Mwongozo wa Mkufunzi

4 4 6 /

MISINGI YA UTUME WA KIKRISTO

mambo yatakayowapeleka nje ya mada kuu, ili yasikusababishe kushindwa kujadili mambo ya msingi na hoja kuu za somo.

Mifano halisi hii (kama inavyoonekana yote katika moduli hii) imeundwa ili kuwasaidia wanafunzi kukabiliana na masuala ambayo labda yalitokana na hali halisi, au ni hadithi za kubuni zilizojengwa juu ya hali halisi kutokana na hadithi hizo. Kwa namna moja, mifano hii inawapa wanafunzi fursa ya kutumia moja kwa moja na kwa nguvu uelewa wao juu ya kile walichojifunza, na kujaribu aina ya fikra inayohitajika ili kuhamisha kweli kutoka katika mazingira ya kinadharia hadi kwenye mazingira ya vitendo. Tumia muda wa kutosha na wanafunzi kuchambua kwa kina masuala yanayozungumzwa kupitia mifano hii halisi, na uwakumbushe wanafunzi kuhusu kusudi la mifano hii katika muktadha wa jumla wa kujifunza kwao. Maombi ni ya muhimu sana katika kila hatua ya kujifunza, kukua, kutumia, na kutendea kazi kweli ya Mungu. Katika maombi, wewe pamoja na wanafunzi wako mnakuwa na nafasi ya kupokea mwongozo na mafundisho ya moja kwa moja kutoka kwa Mungu kuhusu maana na matumizi ya yale mnayojifunza. Kwa hiyo, mnapojumuika katika muda wa maombi na wanafunzi, kamwe usifikirie kwamba ni jambo la kufanya haraka haraka kama kukamilisha ratiba tu au kwamba ni jambo ambalo linaweza kupuuzwa kabisa. Usilichukulie kama jambo la kawaida mno au lisilo na umuhimu; daima waulize wanafunzi kama wana maombi maalum, iwe yanahusiana na mafundisho ya somo au la. Onyesha kwa mfano wako na mtazamo wako kuwa maombi ni jambo la maana—njia ya vitendo na yenye msaada ya kutumia kweli ya Mungu. Wakumbushe kwamba kwa kupeleka mahitaji yao maalum kwa Mungu kwa msingi wa kweli walizojifunza, Bwana ataimarisha kweli hizo katika maisha yao, na kuwapa fursa mahsusi za kuzitumia katika huduma zao. Bila shaka, kila kitu kinategemea muda ulionao katika kipindi chako, na jinsi ulivyoupanga. Hata hivyo, maombi ni sehemu yenye nguvu na ushawishi katika kila tukio la kiroho na mafundisho, na ikiwezekana, daima yapate nafasi yake— hata kama ni maombi mafupi ya kumshukuru Mungu kwa alichotufundisha na kujitoa kuishi kwa kuyatekeleza kwa msaada wa Roho Mtakatifu.

 4 Ukurasa 114 Mifano Halisi

 5 Ukurasa 118 Ushauri na Maombi