Mungu Baba, Swahili Module 6 Student Workbook

1 2 /

M U N G U B A B A

• Ina urefu wa kurasa 5. • Inafuata muhtasari au mpangilio uliotolewa hapo juu, na imeandikwa kwa namna ambayo msomaji ataweza kuelewa. • Inaonyesha jinsi kifungu husika kinavyohusiana na maisha na huduma leo. Usiruhusumaagizo haya yakuogopeshe; hii ni kazi ya kujifunza Biblia! Unachohitaji kuonyesha katika kazi hii ni kwamba ulisoma andiko husika, umeeleza kwa muhtasari maana yake, ukaweza kupata kanuni chache muhimu kutoka katika andiko hilo, na kuzihusianisha na maisha na huduma yako mwenyewe. Kazi ya ufafanuzi inabeba alama 45 na inawakilisha 15% ya jumla ya maksi zako, hivyo hakikisha kwamba unaifanya kazi yako kuwa bora na yenye maarifa ya kutosha ya Neno la Mungu. Uongozi wa Kikristo sio tu kujua kile ambacho Biblia inasema; unahusisha uwezo wa kutumia Neno la Mungu kwa njia ambayo wengine wanajengwa na kukamilishwa kwa ajili ya kazi ya huduma. Neno la Mungu ni hai na linafanya kazi, na hupenya hadi kwenye kiini cha maisha yetu na mawazo ya ndani kabisa (Ebr. 4:12). Mtume Yakobo anaweka msisitizo zaidi juu ya kuwa watendaji wa Neno la Mungu, sio wasikiaji tu, tukijidanganya wenyewe. Tunahimizwa kulifanyia kazi, kulitii. Anaongeza kusema kwamba kupuuza nidhamu hii ni sawa na sisi kujitazama sura zetu za asili katika kioo na mara tunapoondoka tunasahau asili yetu (sis ni nani) na tulichokusudiwa kuwa. Katika kila hali, mtendaji wa Neno la Mungu atabarikiwa katika kila atendalo (Yak. 1:22-25). Shauku yetu ya dhati ni kwamba uweze kutumia maarifa unayojifunza kwa vitendo, ukiihusianisha elimu hii na masuala na mahitaji halisi katika maisha yako binafsi, na huduma yako ndani ya kanisa lako na kupitia kanisa lako. Insha ya Theolojia: Barua kwa Rafiki. Kuhudumia Neno mara nyingi huhusisha sio tu kutoa mahubiri au kufundisha darasa rasmi la Biblia, lakini kumwambia rafiki, mwanafamilia, au mfanyakazi mwenzako kwa nini unaamini kile unachoamini. Madhumuni ya insha hii ni kukusaidia kuongeza ujuzi wako katika kuzungumza kwa njia isiyo rasmi kuhusu mada muhimu za kitheolojia. Fikiria mtu unayemjua au mtu wa kufikirika anayepamba kujaribu kuelewa masuala yanayohusu Mungu na kumwamini Yesu. Mwandikie mtu huyo barua, ukieleza kwa nini imani katika Mungu ni muhimu na ina mantiki kiufahamu. Kila barua itapimwa kwa vigezo vifuatavyo: Kazi ya huduma

Utoaji maksi

Dhumuni

Mpangilio na muundo