Mungu Mwana, Kitabu cha Mwanafunzi, Capstone Module 10 Swahili Student Workbook

1 2 8 /

M U N G U M W A N A

MIFANO YA REJEA

Using’atwe na Kupe wa Unabii

Kukosekana kwa mahubiri juu ya Ujio wa Pili wa Kristo kunapaswa kuwekwa kwenye mizani na kutawala kwa ujumbe huo katika mahubiri na mafundisho ya mitume. Ingekuwa vigumu sana kupata ujumbe wowote kuhusu Kristo kutoka kwa mitume ambao haukusisitiza (achilia mbali kutaja!) kurudi kwa Kristo. Leo, inawezekana kwa wahubiri na waalimu wa Biblia kuhudumu kwa miezi, hata miaka, bila kuzungumza chochote juu ya Ujio wa Pili wa Kristo, na, kana kwamba ni mkakati, msisitizo juu ya ujumbe huo unapunguzwa kwa makusudi katika makanisa yetu. Unafikiri ni kwa nini wengi wanalinganisha mafundisho kuhusu kuja kwa Kristo na “kupe wa unabii,” yaani aina za warsha na semina ambazo hutumia muda mwingi kujaribu kuhusianisha ishara za Biblia na Urusi, matukio ya sasa ya Mashariki ya Kati, na mtu fulani maarufu katika habari za hivi punde zaidi ambaye analinganishwa na taswira za kibiblia?

1

Kwa nini “Jumapili ya Kupaa”?

Katika makanisa mengi ya Kiprotestanti leo, Kupaa hakutajwi kamwe. Ingawa linaonekana kama tukio muhimu la kabla ya Pentekoste, halielezewi wala kuadhimishwa kama ilivyo katika madhehebu ya kiliturujia zaidi kama vile ya Kikatoliki, Kiorthodoksi na Kianglikana. Kwa nini makanisa ya Kiprotestanti hayajaelekea kutambua umuhimu wa kitheolojia na kiroho wa Kupaa, tofauti na mapokeo yenye mkazo wa kiliturujia na kisakramenti?

2

4

Kurudi nyuma kuelekea wakati ujao

Mengi ya mahubiri na mafundisho yetu leo yanalenga namna ya kutendea kazi theolojia na kweli za kibiblia leo, yaani katika maisha yetu sasa. Tunazingatia maana za wakati wa sasa , yaani, tunawezaje kutumia kanuni hii leo, sasa hivi , katika hali yetu ya sasa ya maisha ? Sisi kama wanafunzi tunapaswa kuwa na uwezo wa kutengeneza muunganiko unaoonyesha uelewa wetu wa wakati uliopita, wa sasa, na wa wakati ujao, na jinsi uelewa huo unavyohusiana na Kristo, yale aliyofanya , anayofanya , na yale atakayofanya . Maono ya wakati ujao yana nafasi gani katika uanafunzi wa Kikristo, na sisi tukiwa wahudumu wa Injili, ni kwa kiasi gani tunapaswa kukazia kuhusu wakati ujao ?

3