The Onesimus Workshop, Kinyarwanda Edition

48 • A mahugurwa ya O nesimo : G uha I kaze A bahoze A ri A bagororwa mu B uzima bw ’ itorero

bagenzuzi batanga amakuru ku miterere y’umukoro kandi bagatanga amakuru ahoraho ku migendekere y’imenyereza mwuga ndetse nahakenewe kongera ingufu. • “…bafite inshingano zo guha ubushobozi umenyerezwa mu mirimo yihariye y’itorero” Imenyereza mwuga mu itorero ry’abayobozi bakizamuka rigomba guharanira guha ubushobozi umukozi mu mirimo yihariye igamije gukomeza icyerekezo n’intego by’itorero cyangwa imwe muri za minisiteri. Kwimenyereza umwuga ntibigomba kuba “bidasanzwe” mu nyito yo kurema inshingano zitari zisanzwe. Ahubwo kwimenyereza umwuga kwiza mu itorero kugomba guhuzwa no gutoza umukozi kugirango abone uburambe no kumenyerezwa imirimo cyangwa umukoro itorero rishyigikira cyangwa washyizweho kugirango hagerwe ku ntego z’itorero. Kumenyereza gufatika, kunononseye kandi kugenzuwe neza kw’abakozi bagaragaje agaciro kabo ni igikoresho gikomeye cyo guha ubushobozi abahoze ari abagororwa kugirango babone ubumenyi bukenewe, kugirwa inama no kubona imikorere nyayo y’umurimo. Umenyerezwa umwuga mu itorero ntabwo twamwigisha ngo abe umwigishwa uhuguwe gusa, tugomba no kugira umukozi ushoboye, uyobowe n’Umwuka, akaba uw’umumaro mu bakozi b’itorero. Gutegura Kubaka Ubuyobozi Bugera Ku Ntego Nkuko bimeze ku bimenyereza umwuga bose, ni ingezi cyane ko buri wasabye wese agenzurwa hakamenywa amakuru ye kugirango mumenye ko yiteguye kuba muri gahunda yanyu, hamwe n’umugisha no kwemerwa n’abayobozi bawe. Hagomba kuba gushishoza gukomeye kugirango hazabe imigendekere myiza. Mu yandi magambo, abagenzuzi bo mu itorero ryawe bagomba kugira igenamigambi rishyize mu gaciro kandi rishoboka, gahunda yo kumenyerezwa umwuga, n’imishinga y’amasomo ikubiye mu imenyerezwa. Nanone hagomba kugenwa igihe kugirango haboneke ubuziranenge bw’ibikubiyemo, harimo umukoro wo mu murimo, umwanya wo kwiga no kwitekerezaho, n’amafaranga yose bizasaba ndetse nicyo bizungura itorero. Ibi bintu by’ingenzi bitarashyirwa mu bikorwa, nta kumenyerezwa umwuga gukwiye gutangira! Yesu yigishije abigishwa be nkabimenyereza umwuga, kubatoranya ngo babane nawe no kubohereza kubwiriza (Mariko 3.14). Binyuze mu gusabana na Shebuja, bagenzura imikorere ye bakanamubaza ubusobanuro bw’umurimo we, abigishwa babaye abayobozi b’itorero. Binyuze mu busabane bwabo na Kristo ku bijyanye n’ubuzima, babaye abakozi beza b’ubutumwa bwiza, nabo babasha gutoza abandi kugirango batoze abandi.