The Onesimus Workshop, Kinyarwanda Edition

U mugereka • 49

Ibikwiye kubanza: Ibyibanze itorero rigombwa ku kumenyereza abahoze ari abagororwa Kugirango gahunda yo kumenyerezwa ishoboke, twebwe nk’abagenzuzi dukwiye kubaka urufatiro ruhamye. Kumenyerezwa umwuga ntabwo ari amahirwe y’akazi gusa. Ni umurimo wubakiye ku mahame ya Bibiliya. Gahunda zo kumenyerezwa umwuga zose, ibikorwa n’imikorere byubakiye ku murongo wa Bibiliya. Uko urushaho gusobanukirwa ibyitezwa muri iyi gahunda mu ntangiriro, haba hari amahirwe menshi yuko gahunda yawe izagenda neza. Bahe igihe kugirango bashobore kwisanga mu buzima busanzwe: Reka abahoze ari abagororwa bige kuba abanyetorero. Ikosa rya mbere ushobora gukora wigisha abahoze ari abagororwa ni ukwihutisha gukora no gutegurwa kw’Imana ku buzima bwabo. Mu mwaka wabo wa mbere bakwiye kwitwararika bagashishikarira gushaka itorero n’itsinda rito, gukoresha impano zabo mu murimo, gushaka akazi, gusana imibanire no gusanisha imyitwarire n’ibikorwa byabo n’ubuzima bwo hanze. Ntukihutire kurambika ibiganza kubo ubonamo ubushobozi: Tanga umwanya ku bahoze ari abagororwa kugirango bagaragaze ko ari abigishwa mu busanzwe. Witondere gushishikariza umwigishwa ushibutse vuba, ukiva muri gereza kugirango agire imirimo akora mu itorero nko gushumba, gutangiza amatorero, kuyobora inyigisho za Bibiliya cyangwa kuyobora amatsinda mato. Bagomba kwibanda ku kuba ingingo z’umubiri wa Kristo, bagira uruhare mu buzima bw’itorero, bakoresha impano zabo mu itorero ariko bari munsi y’umushumba ndetse n’abandi bayobozi b’itorero bemewe, muri uwo mwaka barimo gusubizwa mu buzima busanzwe. Menya kandi uzirikane impungenge z’abanyetorero zitavugwa. Ntukarakazwe n’impungenge z’abanyetorero zijyanye no gushyira abahoze ari abagororwa mu muryango w’itorero. Igice cyerekane ubukure bw’abanyetorero muri Kristo ni ubushobozi bwo kwakira mu muryango wabo abantu bashya bakenewe kwakirwa no kwitabwaho by’umwihariko. “Nuko rero Imana nyir’ukwihangana no guhumurizwa ibahe guhuza imitima yanyu nk’uko Kristo Yesu ashaka, kugira ngo muhimbaze Imana y’Umwami wacu Yesu Kristo ariyo na Se, n’umutima umwe n’akanwa kamwe. Nuko mwemerane nk’uko Kristo na we yabemeye, kugirango Imana ihimbazwe” Abaroma. 15.5-7. Bishobora gutwara igihe kugirango abanyetorero bige kubana mu buntu n’urukundo ndetse bareke gucira imanza no guharabika abahoze ari abagorororwa. Kuko abanyetorero bashobora kumva badatekanye igihe bari hamwe mu materaniro n’abahoze ari abagororwa, amatorero amwe yahaye akazi ko gucunga umutekano abahoze ari abanyabyaha mu rwego rwo kumva batekanye. Ubu ni