Theology of the Church, Swahili Mentor Guide

/ 6 9

THEOLOJIA YA KANISA

2. Pia tunamwabudu Mungu tunapokula pamoja katika meza ya Bwana, (inayoitwa Chakula cha Bwana au Ekaristi). Tunavyo vyanzo vinne katika Agano Jipya vya ujuzi wetu wa kuanzishwa kwa ekaristi, maelezo yake kwa ufupi yanapatikana katika kila moja ya Injili za Sinoptiki na katika Waraka wa Kwanza wa Paulo kwa Wakorintho (Mt. 26:26-29; Mk. 14:22-25; Lk 22:14-20, na 1 Kor. 11:23-26). a. Meza ya Bwana pia inaitwa “ekaristi,” neno ambalo limechukuliwa kutokana na neno la Kilatini eucharisteosas (“kutoa au kutoa shukrani”). Neno hili lilitumika sana katika Kanisa la kwanza, na lilitumika kumaanisha ibada nzima ya Meza, na pia kumaanisha tendo la kuweka wakfu mkate na divai au kwa ajili ya vitu vyenyewe vilivyowekwa wakfu. b. Msingi wa Meza ya Bwana ni sherehe ya Kristo siku ya Pasaka. Mwishoni mwa mlo wa jioni wa pasaka, Yesu alichukua mkate na kikombe, na “akashukuru,” kama tendo la kutoa shukrani kwa Mungu. (1) Aliumega mkate, na kuwagawia wanafunzi kikombe, akiwaambia “Chukueni, mle,” na “Kunyweni wote,” mtawalia. (2) Yesu alitangaza kuhusu mkate, “Huu ni mwili wangu unaotolewa kwa ajili yenu,” na kuhusu kikombe akasema, “Hii ni damu yangu ya agano,” au, “Hili ni agano jipya katika damu yangu inayomwagwa kwa ajili yenu,” “kwa ondoleo la dhambi.” (3) Kisha Yesu anatoa kusudi la sherehe hii: kufanya hivi kwa ukumbusho wake (kwa kumbukumbu yake).

2

c. Tunapokusanyika na kula Meza ya Bwana, tunakumbuka kile alichotimiza msalabani, na kupokea neema na amani yake tunapomtumikia kwa furaha na kutazamia kurudi kwake hivi karibuni.