Ufumu wa Chiuta, Buku la Msambiri

1 8 2 /

UFUMU WA CHIUTA

Mavesi gha Ufumu wa Chiuta mu Chipangano Chakare (Mwakulutirizga)

ghakhe ŵaYuda ŵizamkuponoskeka, ŵaIsraele ŵizamkukhara mu mutende. Ŵizamkuchemeka na zina lakuti, ‘Fumu ndiyo urunji withu. ” Chitengero 2.2 2 Fumu yapankhura kwambula lusungu vikaya vyose vya Yakhobe. Yawiskira pasi malinga gha mu charu cha Yuda chifukwa cha kuphya mtima. Na soni zikuru yabwangandulira pasi ufumu wa Israele na awo ŵakuwusa. Daniyele 2.37 Mwe karonga, karonga wa ŵakaronga, kwa imwe Chiuta wa kuchanya wapereka ufumu, nkhongono, mazaza na uchindami. Daniyele 2.44 Ndipo mu mazuŵa gha ŵakaronga awo, Chiuta wa kuchanya wamkukhazikiska ufumu weneuwo kuti wamkumara chara, nanga ndi mazaza ghakhe kuti ghamkuŵikika mu mawoko ghanyakhe chara. Ufumu uwo wamkutekenyura tuchokotuchoko maufumu ghose ghanyakhe na kughamazga. Kweni ufumu ura wamkukhalirira kwa muyirayira. Daniyele 4.34 Pa umaliro wa virimika vinkhonde na viŵiri vira, ine Nebukadinezara nkhinuskira maso ghane kwa Chiuta, ndipo unthu wane ukawereramo. Penepapo nkharumba Chikurukuru, kuwonga na kuchindika uyo ngwa muyirayira nkhati, “Muwuso wakhe ngwa muyirayira, ufumu wakhe ngwa kukhalirira ku miwiro yose. 35 Ŵanthu wose mu charu ŵakupimika kuŵa nga nchinthu chawaka. Iyo wakuchita umo wakukhumbira pamoza na ŵangelo kuchanya, ndiposo pamoza na awo ŵakukhara mu charu cha pasi. Palije na yumoza uyo wangasuska nkhongono yakhe, panji kuti, Kasi mukuchitachi?” 36Pa nyengo yeneiyo unthu wane, nchindi na uchindami wa ufumu wane vikawereramo kwa ine kupereka uchindami ku ufumu wane. Ŵarongozgi pamoza na nduna zane zikandipenja ndipo ŵakandiwezgeraso pa ufumu wane na kuŵa wakuzirwa kuruska pakudanga. Daniyele 5.26 Kang’anamuliro kakhe ndi aka: MENE, ndiko kuti, Chiuta wapenda mazuŵa gha kuwusa kwako, ndipo kwakhara pachoko waka kuti ghamare. 27TEKELE, ndiko kuti, wapimika pa sikelo, ndipo wakuwona kuti wapereŵera. 28PARISINI, ndiko kuti, ufumu wako wagaŵika, na kupika ku ŵaMede na ku ŵaPeresiya Daniyele 6.25 Ntheura Karonga Dariyusi wakaŵalembera ŵamitundu yose, ŵa mafuko ghose na ŵa viyowoyero vyakupambanapambana awo ŵakukhara mu charu chose cha pasi. Iyo wakati, “Mutende uŵenge mwa imwe mose.” 26 Ine nkhulangula kuti, “Mu charu chane chose cha ufumu wane, ŵanthu ŵakwenera kopa na kuchindika Chiuta wa Daniyele.” “Pakuti iyo ndi Chiuta wa moyo, wakukhalirira kwa muyirayira, ufumu wakhe kuti upankhukenge