Ufumu wa Chiuta, Buku la Msambiri

/ 1 8 3

UFUMU WA CHIUTA

Mavesi gha Ufumu wa Chiuta mu Chipangano Chakare (Mwakulutirizga)

chara, kuwusa kwakhe kuti kumarenge chara. 27 Iyo wakuthaska na kuponoska, wakuchita vya minthondwe na vyakuzukumiska, kuchanya na pa charu cha pasi. Iyo ndiyo waponoska Daniyele, ku nkhongono ya nkharamu.” Daniyele 7.13 Na usiku nkhawona mu mboniwoni, yunji nga ndi mwana wa munthu, wakwiza mu maŵingu. Wakasendereranga kwa Chiyamwaka yura, ndipo ŵanji ŵakiza nayo panthazi pakhe. 14Wakapokera mazaza, uchindami na nkhongono za ufumu, kuti ŵamitundu yose, ŵa mafuko ghose, na ŵa viyowoyero vyose ŵamuteŵeterenge. Mazaza ghakhe nga muyirayira swii, kuti ghamkumara chara. Ufumu wakhe nawo kuti wamkuparanyika chara. Daniyele 7.18 Kweni ŵakupatulika ŵa Chiuta Chikurukuru ŵati ŵapoke ufumu uwu na kukhara nawo kwa muyirayira swii.” Daniyele 7.22 Nkhondo yikarutilira mpaka apo Chiyamwaka yura wakizira, apo weruzgi ukapharazgika kuti ŵakupatulika ŵa Chiuta Chikurukuru ŵara ndiwo ŵakuruska, na pa nyengo apo ŵakupatulika ŵara ŵakapokera ufumu. Daniyele 7.27 7Ufumu, mazaza na ukuru wa maufumu gha pa charu cha pasi, ghamkuperekeka ku ŵanthu ŵakupatulika ŵa Chiuta Chikurukuru. Ufumu wawo wamkuŵa wa muyirayira, ndipo ŵamazaza wose ŵamkumuteŵetera na kumupulikira.” Mika 4.1 1Mu mazuŵa ghakumalira phiri la Nyumba ya Fumu yizamkukhazikika, kuŵa phiri litali chomene ku mapiri ghose, ndipo lizamkukwezgeka pachanya pa mapiri ghose. Mafuko ghanandi ghamkundonda kuruta kwa ilo. 2 Ndipo mafuko ghanandi ghamkwiza, na kuti: “Zaninge, tiyeni tirute ku phiri la Fumu, ku Nyumba ya Chiuta wa Yakhobe. Iyo watisambizgenge nthowa zakhe mwakuti tendenge mwenemumo.” Pakuti dango lifumirenge ku Ziyoni, ndipo mazgu gha Fumu ghafumirenge ku Yerusalemu. 3 Iyo wizamkweruzga pakati pa ŵanthu ŵanandi, na kudumula mphindano pakati pa mafuko gha pafupi na gha kutali. Iwo ŵizamkufura malupanga ghawo kuŵa mayembe, ndiposo mikondo yawo kuŵa zimphopo. Mitundu yizamkuwukirana chara kuti yirwe nkhondo nanga nkhusambiraso vya nkhondo. Mika 5.4 Ndipo wizamkuwusa ŵanthu ŵakhe nga ndi muliska mu nkhongono za Fumu, na mu uchindami wa zina la Fumu, Chiuta wakhe. Ndipo ŵamkukhara mu kufwasa, pakuti sono iyo wamkuŵa mukuru mpaka ku mphererekezgo za charu. 5 Ndipo wamkwiza na mutende.